Pous Pius III: Verskil tussen weergawes

'''Pous Pius III'''<ref>Pius III. (2008). [[Encyclopædia Britannica]]. Deluxe Edition. Chicago: Encyclopædia Britannica.</ref> is gebore as '''Francesco Todeschini Piccolomini''' op [[29 Mei]] [[1439]] in [[Sienna]], [[Italië]]. Hy is die tweede seun van 'n regsgeleerde, Giovanni de Todeschini en sy vrou Laodomia Piccolomini, die suster van [[Pous Pius II]]. Hy het nog vyf broers en twee susters gehad. Francesco studeer regte in Wenen en Perugia. Hy behaal 'n doktorsgraad in die regte aan die universiteit van Perugia. Toe sy oom pous word, benoem hy hom eers as domheer op [[6 Februarie]] [[1460]] en op [[23 April]] [[1459]] as biskop van Sienna. Op [[5 Maart]] [[1460]] word hy kardinaal. Toe Pous Pius II op [[18 Junie]] [[1464]] uit Rome vertrek, stel hy Francesco administrateur van die kerklike staat gedurende sy afwesigheid. Francesco het geleer om Duits te praat. Daardeur het hy baie nuttige kontakte met die Duitse kerk en die keiser bekom. Op [[24 Desember]] [[1468]] ontvang hy keiser Frederik III aan die poorte van Rome. Na die dood van sy oom onder die bewind van pouse [[Pous Paulus II|Paulus II]], [[Pous Sixtus IV|Sixtus IV]] en [[Pous Innocentius VIII|Innocentius VIII]] behartig hy die Duitse belange in die kurie. Hy kry die bynaam "Protector Nationis Germanicae". In [[1471]] is hy die pouslike gesant op die Ryksdag in Regensburg waar hy in kontak kom met die Habsburgers. In [[1494]] staan hy aan die hoof van 'n diplomatieke sending na die hof van koning [[Karel VIII van Frankryk]]. Francesco was ook 'n groot mesenas van die kunste. In Junie [[1502]] gee hy Michelangelo opdrag om 15 beelde vir die Dom van Sienna te maak. Ook in [[1502]] gee hy opdrag aan die skilder Pinturicchio (Bernardino di Betto) om die Piccolomini biblioteek van die dom met fresco's en panele wat die lewe van [[Pous Pius II]] uitbeeld te verfraai. Pintoricchio het vyf jaar daaraan gewerk. Op [[22 September]] [[1503]] volg Francesco [[Pous Alexander VI]] op en word gekroon op [[8 Oktober]] [[1503]] deur kardinaal Raffaello Sansoni Riario. Hy regeer baie kort tot sy dood op [[18 Oktober]] [[1503]] aan die gevolge van jig. Hy word opgevolg deur [[Pous Julius II]].