Mary Elizabeth Barber: Verskil tussen weergawes

Hoewel Barber blykbaar geen opleiding gehad het nie, het sy as kunstenares oor aansienlike begaafdheid beskik; agt van haar akwarelle van uitstekende gehalte, wat tonele uit die vroeë dae van Kimberley afbeeld, is in die Albany-museum, Grahamstad. Mitford-Barberton verstrek volledige beskrywings van haar geskiedkundige en wetenskaplike skilderye. Voor haar dood het sy haar [[herbarium]], versameling [[lepidoptera]], tekeninge en dokumentêre stukke aan die Albany-museum geskenk, terwyl haar kleinseuns [[Ivan Mitford-Barberton|Ivan]] en Raymond Mitford-Barberton later briewe en ander materiaal daarby gevoeg het. Raymond het ook haar dagboek (''Wanderings in South Africa by sea and land''), op bekoorlike wyse met haar eie swart-wit sketse geïllustreer, aan die [[Cory-biblioteek]] van die [[Rhodes-universiteit]], Grahamstad, geskenk. Hierdie joernaal het in die ''Kwartaalblad van die Suid-Afrikaanse Biblioteek'' (Des. 1962 tot Des. 1963) verskyn.