Johnny Herbert: Verskil tussen weergawes

'''John Paul Herbert''' (Brentwood, [[25 Junie]] [[1964]]) is 'n [[Verenigde Koninkryk|Britse]] motorrenjaer, wat van 1989 tot en 2000 aan [[Formule Een|Formule 1]] deelgeneem het en drie seges behaal het.

In 1985 het Herbert die aandag getrek van Eddie Jordan, destyds spanhoof in Britse Formule 3, deur die bekende Formule Ford-fees by [[Brands Hatch-renbaan|Brands Hatch]] te wen. Twee jaar later het hulle daardie kompetisie gewen en Herbert het as 'n groot talent na die Europese Formule 3000 aanbeweeg. Hy het goeie vooruitsigte vir die titel gehad toe hy ernstig beseer is in 'n dramatiese ongeluk by die Brands Hatch-baan en albei bene gebreek het. Wonder bo wonder het hy ses maande later teruggekeer en selfs saam met die [[Benetton Formula-span|Benetton-span]]-span [[Formule Een|Formule 1]] betree, hoewel hy nog kreupel geloop het.

Sy debuut in F1 was skouspelagtig; hy het vierde geëindig in die 1989 Brasiliaanse Grand Prix. Sy prestasie het egter daarna verswak en nadat hy nie vir die Kanadese Grand Prix kon kwalifiseer nie, is hy deur Benetton se nuwe bestuur afgedank. Herbert het daardie jaar voortgegaan om in [[Japan|Japannese]] Formule 3000 te ry; tussendeur is hy as plaasvervanger deur [[Tyrrell Racing|Tyrrell]] gebruik.