Kuruman: Verskil tussen weergawes

Die "Oog van Kuruman" is 'n natuurwonder en ook die rede vir die dorp se bestaan. Hierdie fontein, wat uit 'n dorre dolomietrots aan die voet van die Kurumanheuwels ontspring, lewer daagliks sowat twintig miljoen liter vars water op en voorsien sodoende in Kuruman se huishoudelike en nywerheidsverbruik.<ref>MareeClaassen (1987), bl. 15</ref>

Die fontein word as die grootste varswaterfontein in die suidelike halfrond en moontlik ook die wêreld beskryf.<ref>MareeClaassen (1987), bl. 15</ref> Die fontein, wat onder die inheemse bevolking as die "oog wat altyd traan" reeds voor 1800 bekend gestaan het, word selfs tydens die ergste droogtes en swaarste reënvalle deur 'n feitlik onveranderde vloei gekenmerk. Die gebied rondom die fontein is al dekades gelede in 'n pragtige park omgeskep.