Edvard Munch

Edvard Munch [ɛdvɒ:rt mʉŋk] (* 12 Desember 1863 in die dorp Ådalsbruk (munisipaliteit Løten, Hedmark, Noorweë); † 23 Januarie 1944 in sy ateljee-huis Ekely naby Oslo) was 'n Noorse skilder en grafikus.

Edvard Munch naas sy portret van sy vriend en ontdekker Jappe Nilssen, 'n Noorse skrywer en kunskritikus

Munch word as baanbreker van die ekspressionistiese rigting in die moderne skilderkuns beskou, waarby veral sy werke uit die 1890's internasionale bekendheid verwerf en sy status as 'n kunsvernuwer gevestig het. Deesdae geniet ook sy latere skilderye in toenemende mate aandag, en 'n aantal moderne kunstenaars kry inspirasie uit hierdie werke.