NG gemeente Vergenoeg: Verskil tussen weergawes

Die '''NG gemeente Vergenoeg''' was die tweede oudste gemeente van die [[Nederduitse Gereformeerde Kerk]] in [[Kenia]].

 

Na die [[Anglo-Boereoorlog]] het 'n groot aantal Afrikaners hulle vaderland verlaat en hulle in die destydse Duits-Oosgebied ([[Tanzanië]]) en Brits-Oosgebied ([[Kenia]]) gaan vestig. Moontlik het hulle nie kan gesien om op die puin van die oorlog opnuut te begin nie, selfs al het sommige hulle dan ook in 'n ander vesting van die veroweraar gaan vestig. Die trek na die noord het 'n bootreis na [[Mombasa]], 'n meer as 640 km lange treinreis na [[Nakuru]] en dan 'n reis per ossewa na die gebied op die hoogland, wat vir boere uitgesit is, behels.

 

Terwyl die grootste trek in 1908 op Nakuru gestaan het, het 'n afvaardiging van die Transvaalse Kerk, bestaande uit di. N.H.C. Theunissen van [[Standerton]] en J.M. Louw van [[Boksburg]] Oos-Afrika besoek. Louw het op 29 Augustus tydens 'n vergadering van belanghebbendes op die plaas van ene mnr. Arnoldi, wat hom reeds vroeër hier kom vestig het, as voorsitter opgetree en in opdrag van die Moderatuur oorgegaan tot die stigting van 'n nuwe gemeente van die Transvaalse Kerk, naamlik Vergenoeg. Van die pioniers het toe verder getrek. Hoewel die gemeente op [[Nakuru]] gestig is, het [[Eldoret]] dus die middelpunt geword.