Krakow: Verskil tussen weergawes
Content deleted Content added
k r2.6.4) (robot Verander: na:Kraków |
|||
Lyn 101:
Weerstoestande is in die algemeen relatief stabiel met min daaglikse skommelinge. Nogtans het daar in die vroeë 21ste eeu meer uiterste weerverskynsels soos hewige stortreën of selfs klein [[tornado|tornado's]] voorgekom.
{{clear}}
== Geskiedenis ==
=== Voorgeskiedenis en vroeë middeleeue ===
Die Wawel-heuwel, waarop later die kasteel en katedraal van Krakau sou ontstaan, was reeds sowat 20 000 jaar gelede permanent bewoon. In die omgewing van Krakau is al in prehistoriese tye sout ontgin. Die Wislane, 'n Wes-Slawiese stam, het hulle in die 5de eeu n.C. in die gebied van Krakau gevestig. Die geskiedenis van die stad begin nog voor die stigting van die Poolse staat as hoofstad van die Vistuliese stam.
Volgens Krakau se stigtingsmite het die stamhoof Krak die stad op die Wawel-heuwel oor die grot van 'n draak aangelê nadat hy dié draak gedood het. Twee grafheuwels, waarin volgens oorleweringe Krak en sy dogter Wanda ter ruste gelê is, dateer uit hierdie tydperk. Argeoloë neem egter ook aan dat die twee heuwels sterrekundige funksies vervul het - tydens die somersonstilstand gaan die son presies oor die een heuwel op en oor die ander onder.
Die eerste historiese oorleweringe berig van Slawiese setlaars wat hulle langs die Wisła-oewer gevestig het. Krakau het in die 9de eeu moontlik deel uitgemaak van die Groot-Morawiese Ryk. Groot-Morawiese kronieke vermeld dat Cyrillus en Methodius die Wislane-heerser aangeraai het om die Christelike doop en geloof te aanvaar. Dit is nie bekend of hy hul advies gevolg het nie. Nogtans het reeds in hierdie tydperk die eerste Christelike kerk (tans die Sint-Andries-kerk) by 'n heidense heiligdom ontstaan.
Die Arabies-Joodse koopman Ibrahim ibn Jakoeb, wat as gesant van die kalief van Córdoba 'n reis deur Europa onderneem het, het in 965 die eerste historiese vermelding van Krakau as ''Karako'' gemaak. Omstreeks 990 is Krakau deur Mieszko I ingeneem en het sodoende onder die heerskappy van die Poolse Piaste-dinastie gekom.
Teen die einde van die 10de eu was Krakau al 'n beduidende handelsplek wat in die jaar 1000 deur Bolesław I tot die setel van 'n aartsbiskop verhef is. In hierdie tyd is die eerste steengeboue opgerig - 'n [[kasteel]] op die Wawel asook 'n aantal sakrale geboue in die Romaanse styl.
== Bekende mense uit Krakau ==
| |||