Jooste was die seun van N.J.J. Jooste van [[Winburg]] in die [[Vrystaat]] en ontvang sy opvoeding op sy geboortedorp en in [[Bloemfontein]]. Hy trou op [[5 Junie]] [[1938]] met Marguerite Malherbe van [[Trompsburg]], ook in die [[Vrystaat]]. 'n Seun en twee dogters is uit die huwelik gebore.
Jooste het sy joernalistieke loopbaan by ''[[Die Vaderland]]'' begin, maar bedank in 1946 by die [[Afrikaanse Pers Beperk|Afrikaanse Pers Beperk]] en is later een van die stigters van die Afrikaanse Sondagkoerant ''[[Dagbreek (Sondagkoerant)|Dagbreek]]''. In 1962 smelt [[Dagbreekpers Beperk]] en die Afrikaanse Pers Beperk saam as die [[Afrikaanse Pers (1962) Beperk]]. Jooste was 'n lid van Dagbreektrust, wat beheer oor die nuwe mediagroep uitgeoefen het. Hy was besturende direkteur van die [[Afrikaanse Pers (1962) Beperk]], na die samesmelting met die [[Voortrekkerpers]] in 1971 van [[Perskor]], vroeër ook van Hoofstadpers Beperk en Oggendbladpers Beperk (twee gesamentlike ondernemings in [[Pretoria]] van die groepe wat saamgesmelt het om [[Perskor]] te vorm). Hy was 'n direkteur van Volkskas Bpk., voorsitter van Perskor-Publikasies Bpk., Perskor se drukkery T.W. Hayne Ltd., die tydskrifmaatskappy Republikeinse Pers, direkteur van die Dagbreektrust, Vaderland Beleggings Beperk en verskeie ander maatskappye. Hy was in 'n stadium voorsitter en later ondervoorsitter van die Nasionale Persunie.
