John Pears: Verskil tussen weergawes
Content deleted Content added
Morne (besprekings | bydraes) |
Morne (besprekings | bydraes) |
||
Lyn 19:
==Op Somerset-Oos==
Pears het skaars twee jaar in Albanie gearbei, want toe ds. [[George Morgan]] van [[NG gemeente Somerset-Oos|Somerset-Oos]] 'n beroep aanneem na die Skotse Kerk in Kaapstad en Pears as opvolger in die Oos-Kaap aangestel word. Ds. [[Andrew Murray sr.|Andrew Murray]] van die [[NG gemeente Graaff-Reinet]] het hom op [[24 Oktober]] [[1841]] bevestig. Hy hou twee intreepreker: 'n Hollandse oor 2 Kor. 4:1 en 'n Engelse oor Kaj. 1:21b. Die volgende jaar is Pears saam met ouderling afgevaardig na die Sinode in Kaapstad, maar toe hulle op [[Port Elizabeth]] aankom, het die skip reeds vertrek en moes hulle die reis laat vaar. Somerset-Oos het jare lank gebuk gegaan onder sware skuld van Rds. 15 124. Pogings om geld van die regering te kry, was vrugteloos. Die gemeente moes dit self bydra. In 1847 is besluit om 'n orrel vir die kerk aan te koop, maar weens die koste moes die plas prysgegee word. In 1852 op [[6 April]] het die gemeente fees gevier "Ter herinnering aan de invoering van de Christelijke Godsdienst in Zuid Afrika bij de 200ste verjaring van de vestiging der Volksplanting aan de Kaap de Goede Hoop". Gedurende die [[Agtste Grensoorlog]], in 1852, is die kerkgebou gebruik as 'n kruit- en waghuis deur die troepe, waaroor die kerkraad baie ongelukkig was.
Op [[Somerste-Oos]] het Pears gearbei tot aan sy dood. Hoewel hy meer vloeiend in sy moedertaal as in Holland was, wat hy toe hy reeds betreklik oud was in Suid-Afrika kom aanleer het, het hy die evangelie steeds ywerig in albei tale verkondig. Hy het ook hartlik deelgeneem aan alles wat die belange van die gemeente en van die Kerk kon bevorder. Die lang afstande in die gemeente het hy te perd afgelê. Deur sy ywerige medewerking het die [[Gill-kollege]] op [[Somerset-Oos]] tot stand gekom, terwyl sy vrou 'n meisieskool gestig het. Behalwe sy eie gemeente het hy ook op gesette tyde die nuutgestigte [[NG gemeente Queenstown]] en die [[NG gemeente Pearston]], wat na hom vernoem is, bedien. Sy seereis na Kaapstad om die Sinodesitting van 1862 by te woon, het hom amper sy lewe gekos toe die stoomskip "The Waldensian" op die rotse aan die kus naby [[Bredasdorp]] geloop het op [[13 Oktober]] van daardie jaar. Hy en sy vrou en kinders en mede-skipbreukelinge is wonderbaarlik almal gered.
Pears was nie 'n welsprekende prediker nie, maar hy was 'n goeie en getroue herder. Ds. E.Z.J. de Beer, wat hom goed geken het en deur hom vir die eerste admissie-eksamen tot die [[Kweekskool]] voorberei is, het eenmaal van hom geskryf: "Ds. Pears was 'n man van grote geleerdheid. Hij wist veel van allerlei en alleman, feiten, gebeurtenissen, gezegde van sprekers, van schrijvers. Dan had hij zijne eigene opiniën over zaken en personen, meer nog over zaken dan over personen, en die opiniën waren des hoorens en des bedenkens waard. Temeer daar hij ze niet gaf alsof hij wilde zeggen 'daar aan de andere zijde van mijn muur groeit geen gras, is alles buiten de wildernis', maar liever alsof hij uw opinie over het onderhalvige wilde uitlokken. Zijn stof raakte nooit op, maar ook zijne gereedschap om van u te ontvangen bleef even groot aldoor."
==Afsterwe==
Pears was ruim 24 jaar lank op [[Somerset-Oos]] werksaam. Hy word beskryf as 'n man met forse liggaamsbou, massief, breedgeskouer en imposant, dog in die loop van jare is sy kragte gesloop deur die gebreke van die ouderdom. Op 'n keer was hy as afgevaardigde van die Graaff-Reinetse Ring na 'n vergadering van die Sinodale Kommissie in Kaapstad op reis toe hy ernstig siek geword het. Selfs na sy terugkeer moes hy die gevolge hiervan lank verduur. Hy herstel maar in 1866 is hy weer deur krankheid oorval, wat hewig maar nie van lange duur was nie, want hy sterf op [[18 Junie]] daardie jaar in sy pastorie. Reeds die volgende dag is hy in die ommuring van die kerkgebou waarin hy so lank die evangelie verkondig het, begrawe. Vier predikante van die NG, Presbiteriaanse en Wesleyaanse Kerke het aan die begrafnisplegtigheid deelgeneem. Sy weduwee het hom nie lank oorleef nie. Sy word beskryf as 'n "welopgevoede vrou met 'n edele karakter". 'n Seun en vier dogters is uit die huwelik gebore. Deur die meisieskool wat sy op die dorp opgerig het, het sy 'n goeie en geseënde invloed uitgeoefen. Sy is agt maande ná haar man in Februarie 1867 by haar dogter in Kaffrarië oorlede.
==Bronne==
* [[Andries Dreyer|Dreyer, eerw. A]]. 1935.''Gedenkboek van die Nederduits-Gereformeerde Kerk Somerset Oos''. Kaapstad: Cape Times Beperk.
* [[Phil Olivier|Olivier, ds. P.L.]] (samesteller), ''[[Ons gemeentelike feesalbum]]''. Kaapstad en Pretoria: N.G. Kerk-uitgewers, 1952.
[[Kategorie:Suid-Afrikaanse predikante]]
| |||