Daniël Jozua Pienaar: Verskil tussen weergawes
Content deleted Content added
Morne (besprekings | bydraes) No edit summary |
Morne (besprekings | bydraes) No edit summary |
||
Lyn 2:
Ds. '''Daniël Jozua Pienaar''' (Niekerksfontein, distrik [[Richmond, Noord-Kaap|Richmond, Kaap]], [[19 Desember]] [[1853]] - [[Uitenhage]], [[8 Maart]] [[1926]]) was 'n predikant en leier in die [[Nederduitse Gereformeerde Kerk]] (moderator van die Kaapse Kerk in 1915) en 'n onderwysman na wie die Hoër Tegniese Skool Daniël Pienaar op [[Uitenhage]] vernoem is.
==Herkoms en opleiding==
Pienaar was die seun van 'n welgestelde skaapboer in die Karoo, Andries Jacobus Pienaar, en sy vrou, Johanna Catharina Rossouw. Sy grootvader, die ouderling Barend Jacobus Pienaar, was 'n lid van die Kaapse Sinodale afvaardiging van die NG Kerk wat aan die einde van 1847 die Voortrekkers besoek het. Sowel Pienaar as sy jonger broer, Hendrik Jacobus Pienaar, het hulle geroepe gevoel om predikant in die NG Kerk te word. Hy gaan skool op Richmond en [[Stellenbosch]] en ontvang sy hoër onderwys aan die Suid-Afrikaanse Kollege (voorloper van die [[Universiteit van Kaapstad]]) in die [[Kaapstad|Moederstad]]. In 1876 behaal hy die B.A. aan die Universiteit van die Kaap die Goeie Hoop, wat later opgegaan het in die [[Universiteit van Suid-Afrika]]. Sy teologiese opleiding ontvang hy hoofsaaklik aan die [[Kweekskool]] op Stellenbosch terwyl hy ook lesings bywoon aan die universiteite van [[Edinburg]], [[Utrecht]] en [[Bonn]].
==Gemeentelike bediening==
===Aliwal-Noord===
Op [[2 Desember]] [[1880]] word hy tot die bediening toegelaat en is enkele maande lank hulpprediker op [[Ladismith]] in die Klein-Karoo. Hy trou op [[20 April]] [[1881]] met Hester Anna Louw (1860-1919) van die plaas Tweekuil, distrik [[Malmesbury]], en neem 'n beroep aan na die [[NG gemeente Aliwal-Noord]], waar hy op [[11 Junie]] [[1881]] bevestig word. Hy arbei hier tot einde November 1887. Reeds op [[Aliwal-Noord]] het ds. Pienaar hom laat geld as 'n sterk maar taktvolle leier. Dié gemeente is teen 1873 in twee geskeur oor die liberale opvattings van sy leraar, ds. David Naudé, maar Pienaar doen 'n groot werk tot die herstel van die eenheid.
===Uitenhage===
Hy was dus 'n gelukkige keuse as nuwe leraar vir die [[NG gemeente Uitenhage]] omdat dié gemeente ook 'n moeilike tyd beleef. Hier word hy bevestig op [[10 Desember]] [[1887]], 'n week of wat voor sy 34ste verjaardag. Amper 40 jaar staan hy aan die hoof van dié belangrike en uitgestrekte gemeente wat ten tyde van sy aftrede sowat 2 700 lidmate gehad het en 23 jaar later die eerste en enigste gemeente van die NG Kerk geword het wat meteens in vier verdeel is toe drie dogtergemeentes tegelykertyd afgestig het (1950). In daardie stadium het die vier gemeentes saam meer as 4 500 belydende lidmate
==Onderwysmens==
| |||