Hartaknoet van Denemarke
- Vir die latere seun van Knoet die Grote sien Hartaknoet.
Hartaknoet (gebore omstreeks 890 – 940) was ’n legendariese koning van Denemarke. Hy word in bronne genoem die seun van óf ene "Sven" óf die halfmitiese Wiking Sigurd Slang-in-die-oog, wat ’n seun van die legendariese Ragnar Lodbrok was. Sommige historici meen Hartaknoet was ’n kleinseun van Sigurd en nie ’n seun nie.
| Hartaknoet | |
|---|---|
| Koning van Denemarke | |
| Periode | 936 – 940 |
| Voorganger | Sigtrygg Gnupasson |
| Opvolger | Gorm die Oue |
| Vader | Sigurd Slang-in-die-Oog |
| Moeder | Blaeja |
| Gebore | ±890 |
| Oorlede | 940 |
| Kinders | Gorm die Oue |
Voorgangers wysig
Volgens Adam van Bremen is Denemarke deur die Swede onder Olaf en sy twee seuns met geweld oorgeneem[1] en so het die Huis van Olaf in Denemarke ontstaan. Ná Olaf se dood het sy seuns regeer. Hulle is opgevolg deur Sigtrygg.
Magsoorname wysig
Volgens Adam het Hartaknoet van "Noordmannië", die land van die "Noordmanne" (waarmee hy dalk óf Noorweë óf Normandië bedoel het), gekom en die jong koning se bewind oorgeneem. Hy het daarna 30 jaar lank regeer. Uit ander bronne lei sommige historici egter af dat Sigtrygg se pa, Gnupa, veel later nog oor minstens ’n deel van Denemarke regeer het.
Adam is die enigste bron wat Hartaknoet noem.
Verwysings wysig
- Hierdie artikel is merendeels vertaal vanaf die Duitse Wikipedia-artikel de:Harthaknut
- ↑ Adam of Bremen, vert. en red. Francis Joseph Tschan, Timothy Reuter, History of the archbishops of Hamburg-Bremen, Columbia University Press, 2002, p. 44.