Weddellsee
| Weddellsee | |
|---|---|
 Met ys bedekte Weddellsee | |
| Koördinate: | 75°0′S 45°0′W / 75.000°S 45.000°WKoördinate: 75°0′S 45°0′W / 75.000°S 45.000°W |
| Ligging: | Antarktika |
| Soort: | See van die Suidelike Oseaan |
| Oppervlakte: | 2 800 000 km² (1 080 000 myl²) |
| Maksimum diepte: | 1 600 m (500 voet) |
| Eiland/e: | Berkner-eiland, Suidelike Orkneyeilande, Suidelike Shetlandeilande |
| Gevries: | Feitlik die hele jaar |
Die Weddellsee is 'n see van die Suidelike Oseaan tussen Oos- en Wes-Antarktika. Die Weddellsee is ná die Britse matroos, navigator en robbejagter James Weddell genoem, wat die see in 1823 vir die eerste keer bevaar het. Die see het 'n oppervlakte van sowat 2 800 000 km² en 'n maksimum diepte van 1 600 m.
Die Weddellsee is tussen die Antarktiese Skiereiland in die weste, Koningin Maudland se Kaap Norvegia in die ooste, en die Suidelike Orkneyeilande en Suidelike Shetlandeilande in die noorde geleë. Die Weddellsee grens in die noorde aan die Scotiasee en in die ooste aan die Lazarefsee. Die 60ste suidelike breedtegraad vorm die noordelike grens. Soos al die seë van Antarktika is die Weddellsee noord van die Suidpool geleë en feitlik die hele jaar gevries. Die Weddellsee word deur Argentinië (Argentyns-Antarktika), Chili (Antártica Chilena) en die Verenigde Koninkryk (Brits-Antarktiese Gebied) opgeëis en tot hul Antarktis-gebied gereken, maar omdat dit volgens internasionale reg nie erken word nie, val die see soos die res van Antarktika onder die saak van die Antarktis-verdrag.
Eksterne skakels wysig
Wikimedia Commons het meer media in die kategorie Weddellsee.- (en) "Weddell Sea". Encyclopædia Britannica. Besoek op 22 Maart 2018.
