Spinnekopbossie
Die spinnekopbossie (Serruria cyanoides) is 'n blomdraende struik wat tot die genus Serruria behoort en deel van die fynbos vorm. Die spesie is endemies aan die Wes-Kaap, dit het altyd voorgekom op die Kaapse Vlakte en Kaapse Skiereiland maar tans is daar nog net twee populasies by Vishoek en die Karbonkelberg by Houtbaai. Die struik is regop en word slegs 50 cm hoog en dra blomme van Julie tot Oktober.
| Spinnekopbossie | |
|---|---|
Wetenskaplike klassifikasie 
| |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Orde: | Proteales |
| Familie: | Proteaceae |
| Genus: | Serruria |
| Spesie: | S. cyanoides
|
| Binomiale naam | |
| Serruria cyanoides | |
| Sinonieme | |
| |
Vuur vernietig die plant maar die sade oorleef. Twee maande nadat dit geblom het, val die vrugte af en miere versprei die sade. Hulle stoor die sade in hul neste. Die plant is eenslagtig. Bestuiwing vind plaas deur die werking van insekte. Die plant groei in sanderige grond op hoogtes van 0 - 150 m.
In Engels staan dit as die Wynberg Spiderhead bekend.