SriLankan Airlines
SriLankan Airlines (voorheen bekend as Air Lanka) is die vlagdraer van Sri Lanka en 'n lid van die Oneworld-lugrederyalliansie. Dit is tans die grootste lugredery in Sri Lanka volgens aantal vliegtuie en bestemmings en is in 1979 as Air Lanka van stapel gestuur na die beëindiging van bedrywighede van die oorspronklike SriLankaanse vlagdraer Air Ceylon.
Na sy gedeeltelike verkryging in 1998 deur Emirates, is dit hernoem en die huidige kleurskema is bekendgestel. In 2008 het die regering van Sri Lanka al die aandele van die lugredery van Emirates verkry.[1] Nadat die Emirates-vennootskap beëindig is, het dit sy handelsnaam en logo behou.[2] SriLankan Airlines bedryf meer as 560 vlugte per week oor Asië.
Die lugredery vlieg na 126 bestemmings in 61 lande (insluitend kodedeel-bedrywighede) vanaf sy hoofspil by die Bandaranaike Internasionale Lughawe naby Colombo. SriLankan Airlines het op 1 Mei 2014 by die Oneworld-lugrederyalliansie aangesluit[3]
Air Lanka, wat in staatsbesit was, is gedeeltelik geprivatiseer in 1998, met belegging deur die Dubai-gebaseerde Emirates Group, toe Emirates en die SriLankaanse regering 'n ooreenkoms onderteken het vir 'n tien jaar lange strategiese vennootskap. Hierdie ooreenkoms het eksklusiewe regte ingesluit vir alle vliegtuie se grondhantering en lugredery spyseniering by Colombo-Bandaranaike lughawe vir tien jaar. Emirates het 'n 40%-belang ter waarde van VS$70 miljoen (wat dit later tot 43,6% verhoog het) in Air Lanka gekoop en probeer om die lugdiens se beeld en vloot op te knap. Die regering het 'n meerderheidsbelang in die lugdiens behou, maar het volle beheer aan Emirates gegee vir beleggings- en bestuursbesluite. In 1998 het Air Lanka oorgeskakel na SriLankan Airlines.[4]
SriLankan het 6 Airbus A330-200's aangeskaf om sy vloot Airbus A340-300- en A320-200 -vliegtuie aan te vul. Die A330-200-vliegtuig het tussen Oktober 1999 en Julie 2000 by die lugredery aangesluit. Die maatskappy se vierde A340-300 het by Colombo aangekom, geverf in die lugredery se nuwe korporatiewe kleur. SriLankan het sy bestaande A340-vloot opgegradeer in 'n tweeklas-konfigurasie (besigheids- en ekonomiese klas) terwyl die binneruim opgeknap is om die nuwe korporatiewe beeld te weerspieël.
Verwysings wysig
- ↑ Ionides, Nicholas (22 Januarie 2008). "Emirates walking away from SriLankan". Flightglobal.com. Besoek op 15 April 2019.
- ↑ "Sri Lankan Airlines buys back 43.6 pc stake from Emirates". The Economic Times. Besoek op 24 April 2015.
- ↑ "Our Airline". Srilankan. Besoek op 11 Januarie 2016.
- ↑ "World Airline Directory."