St. Anne-kolom
Die St. Anne-kolom (Duits: Annasäule) staan in die middestad van Innsbruck op Maria-Theresien-Straße.[1]
Die kolom is sy naam gegee toe die laaste Beierse troepe uit die Tirol verdryf is op St. Anne's Dag (26 Julie) in 1703. as deel van die Spaanse Opvolgingsoorlog. In 1704 het die Landstände in dankbaarheid belowe om 'n monument te bou ter herdenking van die gebeurtenis.
Die kolom is geskep deur die Trient-beeldhouer, Cristoforo Benedetti, en dit bestaan uit rooi Kramsach- marmer. Op die basis van die kolom is vier standbeelde van heiliges:
- in die noorde, die Heilige Anne, die moeder van die Heilige Maagd Maria
- in die weste, Cassianus, beskermheilige van die bisdom Bozen-Brixen.
- in die ooste, Vigilius, beskermheilige van die bisdom Trient.
- in die suide, die Heilige George, beskermheilige van die Tirol. [2]
Die kolom met sy standbeeld van Maria as die Vrou van die Apokalips, styg sowat 42 meter (137 voet) bo die straat uit, en toring bokant hierdie vier standbeelde uit. [3]
Die kolom is ingewy op 26 Julie 1706 deur prins-biskop Kaspar Ignaz, die graaf van Künigl. Dit is deur die eeue verskeie kere gerestoureer.[4] In 1958, hoofsaaklik weens bewaringsredes, is die figuur van Maria vervang deur 'n replika en die oorspronklike is geleen aan die Abdy van St. Georgenberg-Fiecht, waar dit in 'n sykapel van die abdykerk van Fiecht (naby Schwaz) geplaas is) bokant die Heilige Maria se altaar.
Op 10 Oktober 2009 is die figure van heiliges op die basis van die monument ook vervang; die oorspronklikes is nou te vinde op die eerste verdieping van die Altes Landhaus in Innsbruck.
Verwysings
wysig- ↑ Klaos, Yulia (15 Januarie 2022). "Column of St. Anne's, Innsbruck (Annasäule)". life-globe.com. Besoek op 22 November 2022.
- ↑ https://www.innsbruck.info/en/sightseeing/sightseeing/historical-buildings/detail/infrastruktur/st-annes-column-innsbruck.html
- ↑ "Anna's Column". Expedia. Besoek op 22 November 2022.
- ↑ https://life-globe.com/en/column-st-annes-innsbruck/