Stanley Skewes
Stanley Skewes was 'n Suid-Afrikaanse wiskundige, bekend vir sy ontdekking van die Skewes-getalle in 1933 en 1955. Hy was een van John Edensor Littlewood se studente aan Cambridge-universiteit.[1][2] Skewes se getalle het bygedra tot die verfyning van die teorie van priemgetalle.
| Stanley Skewes | |
| Gebore | 1899 Germiston |
|---|---|
| Oorlede | 1988 (op 89) Kaapstad |
| Vakgebied | Siviele ingenieurswese Wiskunde |
| Instelling(s) | Universiteit van Cambridge |
| Alma mater | Universiteit van Kaapstad |
| Bekend vir | Skewes-getalle |
Akademiese loopbaan
wysigSkewes het 'n graad in siviele ingenieurswese aan die Universiteit van Kaapstad behaal voordat hy na Engeland geëmigreer het. Hy het wiskunde aan die Universiteit van Cambridge studeer en in 1938 'n PhD in wiskunde behaal.[3]
Hy het die eerste Skewes-getal in 1933 ontdek.[1][2] Dit word ook na verwys as die "Riemann true Skewes number"[4] as gevolg van sy verwantskap met die Riemann-hipotese in verband met die teorie van priemgetalle. Hy het die tweede Skewes-getal in 1955 ontdek.[2][5] Hierdie nommer was van toepassing indien die Riemann-hipotese vals is. Sedert sy oorspronklike ontdekking is die getalle verder verfyn.
Publikasies
wysig- (en) Skewes, S. (1933). "On the difference π(x) − Li(x) (I)". Journal of the London Mathematical Society. 8 (4): 277–283. doi:10.1112/jlms/s1-8.4.277. Geargiveer 19 Mei 2007 op Wayback Machine
- (en) Skewes, S. (1955). "On the difference π(x) − Li(x) (II)". Proceedings of the London Mathematical Society. 5 (17): 48–70. doi:10.1112/plms/s3-5.1.48. Geargiveer 19 Mei 2007 op Wayback Machine
Persoonlike lewe
wysigStanley Skewes is in 1899 in Germiston gebore. Sy ouers was Henry (Harry) Skewes, 'n blikmynwerker en metaaltoetser van Cury, Cornwallis en Emily Moyle, wat in Amerika geboore was. Sy ouers het van Redruth, Cornwallis in 1894 na die Transvaal verskuif.
Hy het met Ena Allen getrou. Sy was die dogter van die hoofsjef by King's College, Cambridge en was ook 'n talentvolle operasanger. Onder sy tydgenote in Cambridge was Alan Turing. Hulle het saam by Cambridge geroei. Alhoewel Skewes na Suid-Afrika teruggekeer het, het hy Cambridge en Cornwall herbesoek. Hy was ook 'n ywerige rugbyspeler in sy jeug.[2]
Skewes en sy nommer word deur Isaac Asimov bespreek in sy boek Of Matters Great and Small[6][7] en in die 20ste uitgawe van die Guinness Book of Records.[7][8]
'n Nota wat deur Skewes op sy aftrede geskryf is, is in 'n glaskas in die departement van wiskunde aan die Universiteit van Kaapstad bewaar. Die nota bespreek die Skewes-getal en verdere ontwikkeling daarvan.[2]
Hy is in 1988 in Kaapstad dood.
Verwysings
wysig| Wikimedia Commons bevat media in verband met Stanley Skewes (mathematician). |
- ↑ 1,0 1,1 (en) Peter Borwein (2008). The Riemann Hypothesis: A Resource for the Aficionado and Virtuoso Alike. Springer Science & Business Media. p. 375. ISBN 978-0-387-72125-5.
- ↑ 2,0 2,1 2,2 2,3 2,4 (en) Skues, Keith (1983). Cornish heritage. W. Shaw. ISBN 9780907961000.
- ↑ (en) "S. Skewes - Mathematics Genealogy Project". Mathematics Genealogy Project. North Dakota State University - Department of Mathematics. Besoek op 11 Februarie 2019.
- ↑ (en) Bays, C.; Hudson, R.H. (2000). "A new bound for the smallest x with π(x) > li(x)" (PDF). Mathematics of Computation. 69 (231): 1285–1296. doi:10.1090/S0025-5718-99-01104-7.
- ↑ (en) Igor Ushakov (2007). Histories of Scientific Insights. Lulu.com. p. 235. ISBN 978-1-4303-2849-0.
- ↑ (en) Of Matters Great and Small. Ace Books. 1980. ISBN 978-0441610723. Besoek op 11 Februarie 2019.
- ↑ 7,0 7,1 (en) HP Williams. "Stanley Skewes and the Skewes Number". London School Of Economics. Geargiveer vanaf die oorspronklike op 24 Junie 2021. Besoek op 11 Februarie 2019.
- ↑ (en) Guinness Book of Records (20 uitg.). Norris and Ross McWhirter. 1973. ISBN 9780900424137.