Swami Vivekananda

Indiese Hindoe-monnik en filosoof

Swami Vivekananda (12 Januarie 1863 - 4 Julie 1902), gebore as Narendranath Datta, was ’n Indiese Hindoemonnik. Hy was ’n hoofdissipel van die 19de-eeuse Indiese mistikus Ramakrishna.[1] Hy was ’n sleutelfiguur in die bekendstelling van die Indiese filosofieë van Vedanta en Yoga aan die Westerse wêreld,[2][3] en kry die krediet daarvoor dat hy ’n bewuswording tussen godsdienste aangewakker het en Hindoeïsme in die laat 19de eeu tot die status van ’n groot wêreldgodsdiens opgehef het.[4] Hy was ’n belangrike figuur in die hedendaagse Hindoehervormingsbewegings in Indië en het bygedra tot die begrip "nasionalisme" in koloniale Indië. Vivekananda is dalk die bekendste vir sy toespraak wat begin het met die woorde "Susters en broers van Amerika ..."[5] waarin hy Hindoeïsme in 1893 bekend gestel het voor die Parlement van Wêreldgodsdienste in Chicago.

Vivekananda in September 1893 in Chicago.

Vivekananda is in ’n aristokratiese familie van Kalkutta gebore en was altyd geneig tot spiritualiteit. Hy is deur sy ghoeroe, Ramakrishna, beïnvloed; van dié het hy geleer dat alle lewende wesens ’n verpersoonliking van die goddelike self is. Diens aan God kan dus gelewer word deur diens aan die mensdom. Ná Ramakrishna se dood het Vivekananda deur die Indiese subkontinent getoer en eerstehandse kennis opgedoen oor die toestande in Brits-Indië. Hy het later na die VSA gereis en Indië in 1893 by die Parlement van Wêreldgodsdienste verteenwoordig. Vivekananda het honderde openbare en private lesings en klasse gegee om leerstellings van Hindoefilosofie in Amerika, Engeland en Europa te versprei. Hy word in Indië as ’n patriotiese heilige beskou; sy verjaarsdag word as Nasionale Jeugdag gevier.

Sien ookWysig

VerwysingsWysig

  1. "Swami Vivekananda: A short biography". www.oneindia.com. Besoek op 3 Mei 2017.
  2. "International Yoga Day: How Swami Vivekananda helped popularise the ancient Indian regimen in the West". 21 Junie 2017.
  3. Feuerstein, Georg (2002), The Yoga Tradition, Delhi: Motilal Banarsidass 
  4. Clarke, Peter Bernard (2006), New Religions in Global Perspective, Routledge 
  5. Dutt, Harshavardhan (2005), Immortal Speeches, New Delhi: Unicorn Books, p. 121, ISBN 978-81-7806-093-4 

SkakelsWysig