Swartbooisdrift is 'n klein nedersetting in die Kunene-streek in die noorde van Namibië. Dit is geleë op die oewer van die Kunenerivier aan die Angolese grens en op die ondergeskikte pad D3700. Swartbooisdrift is deel van die Epupa-kiesafdeling. Sowat 150 tot 300 halfnomadiese lede van die Hererostam Himba woon hier, na gelang van die seisoen.[1]

Swartbooisdrift
Nedersetting
Die vlak Kunenerivier naby Swartbooisdrift-
Die vlak Kunenerivier naby Swartbooisdrift-
Swartbooisdrift is in Namibia
Swartbooisdrift
Swartbooisdrift
Koördinate: 17°19′00″S 13°52′00″O / 17.31667°S 13.86667°O / -17.31667; 13.86667Koördinate: 17°19′00″S 13°52′00″O / 17.31667°S 13.86667°O / -17.31667; 13.86667
LandVlag van Namibië Namibië
StreekKunene
KiesafdelingEpupa
Bevolking
 • Totaal150-300 (seisoenaal)
TydsoneUTC+1 (WAT)
 • SomertydUTC+2 (WAST)
'n Toneel in die kamp by Swartbooisdrift tydens die repatriasie van die nasate van die Dorslandtrekkers in 1928. Die Uniale regering het die meeste van die mense in die noorde van Suidwes help vestig.

Die nedersetting is genoem na Petrus Swartbooi, een van die stamkapteins van die Swartbooi-Nama wat die gebied in die 1890's geplunder het.[2]

Swartbooisdrift het geskiedkundige betekenis omdat dit hier was dat die Dorslandtrekkers die Kunene in 1881 oorgesteek het om Angola binne te gaan.[3] In 1928 is 'n tydelik kamp hier opgerig toe sowat 1 900 nasate van die trekkers na die Unie van Suid-Afrika en veral Suidwes-Afrika gerepatrieer is. Ter herdenking aan die trekkers is 'n Dorslandtrek-gedenkteken op 'n koppie by die nedersetting opgerig.[4]

Swartbooisdrift was die administratiewe sentrum van Kaokoland van 1925 tot 1939, waarna die beheer van die gebied verplaas is na Ohopoho, die teenswoordige Opuwo. Destyds was hier 'n polisiekantiir. Van 1939 tot 1942 was die nedersetting een van etlike wagposte in die maandaatgebied wat opgerig is by vlak gedeeltes van die Kunene om die verspreiding van miltvuur te voorkom.[2]

Vandag is Swartbooisdrift 'n arm nedersetting met toegang tot nóg krag nóg skoon water.[4] Hier is wel 'n kliniek en skool. Inwoners lewe van bestaansbeesboerdery. Oos van die nedersetting is 'n sodalietmyn.[4]

VerwysingsWysig

  1. 1,0 1,1 (en) "Swartbooisdrift – Location". Kunene for Christ.
  2. 2,0 2,1 "Ruacana Falls to Epupa Falls 4x4 route" (in Engels). Tournamibia.net. Geargiveer vanaf die oorspronklike op 17 Maart 2012. Besoek op 14 Februarie 2015.
  3. Dierks, Klaus. "Chronology of Namibia History, 1881/82" (in Engels). Geargiveer vanaf die oorspronklike op 17 Mei 2019. Besoek op 14 Februarie 2015.
  4. 4,0 4,1 4,2 (en) "The People of Swartbooisdrift". Kunene for Christ.