Sy klink soos lente
Sy klink soos lente is 'n Afrikaanse rolprent wat op 30 September 2016 vrygestel is. Die rolprent is in Johannesburg verfilm. Stiaan Smith vertolk een van die hoofrolle, maar het ook die draaiboek geskryf.
| Sy klink soos lente | |
|---|---|
| Regisseur | Corné van Rooyen |
| Produksieleier | Bouwer Bosch, e.a. |
| Draaiboek | Stiaan Smith |
| Met | James Alexander, James Cunningham, Amalia Uys, e.a. |
| Musiek deur | Dawid de Jager |
| Kinematografie | Adam Bentel |
| Redigeerder | CA van Aswegen |
| Ateljee | Bouwer Bosch Films The Film Factory |
| Uitgereik | 30 September 2016 |
| Speeltyd | 89 min. |
| Land | Suid-Afrika |
| Taal | Afrikaans |
| Amptelike webtuiste | |
| IMDb-profiel | |
Genre wysig
Die rolprent is 'n romantiese komedie. Dit het 'n ouderdomsperk van 10 tot 12 OL (ouerleiding vir gekruide taal). Die film is van Engelse onderskrifte voorsien.
Rolverdeling wysig
- Amalia Uys as Linda, 'n ouditeur
- Stiaan Smith as Ben, werktuigkundige en orkeslid
- Bennie Fourie as JJ, werktuigkundige en orkeslid
- Wilson Dunster as Oom Fanie, 'n orkeslid
- James Cunningham, werktuigkundige en orkeslid
- Darren Kelfkens as Kaptein, die werkswinkel se bestuurder
- Bouwer Bosch as Helgaard, 'n kollega
- Tina Kruger as Candy
- Elize Cawood as Tannie Martie
Storielyn wysig
Ben is ’n werktuigkundige by ’n motorhandelaar in Johannesburg, en Linda 'n beeldskone, slim rooikop, wat mekaar een aand in 'n kroeg ontmoet. Ben herken haar dadelik en weet dat dit die baas se dogter is, maar sy weet nie wie hy is nie. Hulle is dadelik aangetrokke tot mekaar. In ’n waansinnige en onsekere poging om sy identiteit te verdoesel, jok Ben vir Linda en vertel haar dat hy die hoofsanger van ’n musiekgroep is.
Ben en Linda se liefde blom onverwags en hy besluit dat hy sy woord gestand sal moet doen. Hy begin 'n groep saam met ’n paar medewerkers en skryf vir 'n kompetisie in. Dit blyk egter vinnig dat ’n musiekloopbaan nie in elke man se broek sit nie. En wat gaan gebeur as Linda uitvind dat hy vir haar gejok het?