Elize Cawood
Elize Cawood (28 Junie 1952 – 18 Julie 2020)[1] was ’n Suid-Afrikaanse aktrise. Haar bekendste TV-rol is waarskynlik dié van Pop in Verspeelde lente (1984) en op die silwerdoek teenoor Marius Weyers en Peter Sepuma as die ryk Afrikaanse vrou in Taxi to Soweto. Sy was ook te sien in flieks soos Die wonderwerker (2012) en Lien se lankstaanskoene (2012).[2]
| Elize Cawood | |
.jpg)
| |
Cawood geskets in haar jonger jare
| |
| Geboorte | 28 Junie 1952 Bloemfontein |
|---|---|
| Sterfte | 18 Julie 2020 (op 68) |
| Nasionaliteit | Suid-Afrika |
| Beroep(e) | Aktrise |
| Internet-rolprentdatabasis-profiel | |
Cawood het talle pryse vir haar rolle ingepalm, onder andere Beste Aktrise in 'n dramareeks in 1984 en 1985, Beste Vroulike Byspeler in die Vita-, Dalro-, Scenaria- en Artes-toekennings, asook Beste Aktrise in die sepie Villa Rosa in 2007.[3]
Lewensloop
wysigElize Cawood is in 1952 gebore en matrikuleer aan die Hoërskool Sentraal in Bloemfontein. Daarna studeer sy drama aan die Universiteit van die Oranje-Vrystaat, waar sy haar B.A.-graad verwerf het.
Cawood begin haar loopbaan in 1974 by die destydse Sukovs. Sy speel onder meer in Paul Ziller se The Effect of Gamma Rays (onder regie van Ernst Eloff) en Bertolt Brecht se Die goeie mens van Setzuan (onder regie van William Egan). Sy het ook in skole- en biblioteekprogramme opgetree.
Later werk sy by Truk en word hierna 'n vryskutspeler. Op die verhoog raak sy veral bekend waar sy die rol van Olive Schreiner vertolk in Stephen Gray se Schreiner — A One Woman Play (onder regie van Lucille Gillwald), as Elsa in die debuutproduksie van Athol Fugard se Road to Mecca in die Markteater in Johannesburg, en as Stella in Tennessee Williams se Die trem se naam: Begeerte (vertaal deur Lucas Malan en geregisseer deur Bobby Heany).
Sy is in 1982 met die akteur Wilson Dunster getroud, saam met wie sy te sien was in Paul Slabolepszy se The Art Of Charf en Dinner For One. Haar broer Bromley is ’n rolprent- en televisieregisseur, en haar dogter, Jenna Dunster, is ook 'n aktrise.
Filmografie
wysig- Wat jy saai, 1979
- Les visiteurs, 1980 (TV-minireeks)
- Verspeelde lente, 1983 (TV-minireeks)
- Arme moordenaar, 1986 (TV-fliek)
- Wolwedans in die skemer, 1987 (TV-reeks)
- The Fourth Reich, 1990 as Romy Taillard
- Taxi to Soweto, 1991 as Jessica du Toit
- Daisy de melker, 1993 (TV-fliek) as Ethel Balderow
- Lyklollery, 2001 as die TV-lisensiedame
- The Long Run, 2001 as Mrs. Suiker
- Red Dust, 2004 as Anna Hoffman
- Proesstraat, 2010 (TV-komediereeks)
- Liefling, 2010 as Ouma Elsa Ferreira
- Die wonderwerker, 2012 as Maria van Rooyen
- Lien se lankstaanskoene, 2013 as Roos
- Dis ek, Anna, 2015 as advokaat Gouws
- Sy klink soos lente, 2016 as tannie Martie
- Vir altyd, 2016 as ouma Betsie van Zyl
- Vir die voëls, 2016 as ouma Martie
- Konings en die opvolg Torings (TV-dramareekse)
Verwysings
wysig- ↑ Cornelissen, Christel (18 Julie 2020). "Bekende aktrise sterf ná kankerstryd". Maroela Media. Geargiveer vanaf die oorspronklike op 19 Julie 2020. Besoek op 19 Julie 2020.
- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ Profiel op ESAT, besoek op 12 Junie 2017
Eksterne skakels
wysig
Wikiquote het aanhalings deur Elize Cawood.- Elize Cawood op IMDb
- Elize Cawood en haar man se Dinner For One op YouTube
