Tanoetamoen

Tanoetamoen (ook bekend as Tantamani en Tanutamun) was ’n farao van die Nubiese 25ste Dinastie van Antieke Egipte en koning van Koesj. Sy praenomen was Bakare, wat beteken "Glorieryk is die Siel van Ra".

Tanoetamoen
Ook Tantamani, Tanutamun
Die kop van ’n standbeeld van waarskynlik Amoen met Tanoetamoen se naam op die agterkant.
Farao van die 25ste Dinastie
Periode	Omstreeks 664-655 v.C.
Voorganger	Taharqa
Opvolger	Psamtik I
Vader	Sjabaka
Oorlede	653 v.C.
Tanoetamoen in Egiptiese hiërogliewe
Serech of Horusnaam Nebty-naam Praenomen of troonnaam Nomen of geboortenaam
Portaal    Antieke Egipte

Hy was die seun van koning Sjabaka en die nefie van sy voorganger, Taharqa.

Bewind

Nadat die Assiriërs Necho I as koning aangewys en Egipte verlaat het, het Tanoetamoen van Nubië af met die Nylrivier langs marsjeer en die hele land herbeset, insluitende Memphis. Necho I is in die veldtog dood. Die Assiriërs het na Egipte teruggekeer, Tanoetamoen se magte in die Delta verslaan en so ver suid as Thebe opgeruk, wat hulle geplunder het. Hulle het so die Nubiese heerskappy oor Egipte effektief beëindig, hoewel Tanoetamoen se gesag nog in Bo-Egipte erken is tot sy agtste bewindsjaar, 656 v.C., toe Psamtik I se vloot vreedsaam beheer oor Thebe oorgeneem en Egipte herenig het.

Tanoetamoen het daarna oor Koesj regeer tot met sy dood in 653 v.C.. Hy is in dié land opgevolg deur ’n seun van Taharqa.

Verwysings

• Hierdie artikel is vertaal uit die Engelse Wikipedia