Teisendorf

Teisendorf is 'n gemeente in Berchtesgaden Land, distrik Oberbayern in Duitsland.

Teisendorf
Kaart	Wapen
	Vlag
Land	Duitsland
Deelstaat	Beiere
Koördinate	47°51′N 12°49′O
Stigting	700
Oppervlakte:
- Totaal	86,8 vk km
Hoogte bo seevlak	501 m
Bevolking:
- Totaal (31 Desember 2011)	9 216
- Bevolkingsdigtheid	106/vk km
Tydsone	UTC +1 (MET)
- Somertyd	UTC +2 (MEST)
Burgemeester	Franz Schiessl (FWG)
Amptelike Webwerf	www.teisendorf.de

Geskiedenis

Gedenksteen aan die middeleeuse Salzstraße (soutweg) van Bad Reichenhall na Bodensee suidoos van Teisendorf.

Teisendorf is in ca. 700 n.C. gestig en is vir die eerste keer in 790 na verwys as Tusindorf in 'n dokument van 'n destydse Beierse hertog aan die Salzburgse Aartsbisdom.

Geografie

Teisendorf is in Rupertwinkel geleë, aan die voet van die noordelike deel van die Tausendgebergtes van die Duitse Alpe, naamlik die Teisenberg, wat 1 333 m hoog is. In die ooste staan die Högl, wat 827 m hoog is en Teisendorf van Salzburg afgrens. Die dorp bevind homself in die Alpenvorland tussen Salzburg en die Chiemsee, etlike kilometer suid van die Waginger See aan die oorsprong van die Surrivier. Buurgemeentes is Ainring, Anger, Inzell, Petting, Saaldorf-Surheim, Siegsdorf, Surberg, Waging am See, en Wonneberg. Buurstede is Bad Reichenhall, Freilassing, Laufen, en Traunstein, in Beierse gebied, asook Oberndorf en Salzburg in die Oostenrykse nabyheid.

Verkeer

Teisendorf is aan die spoorweg tussen München en Salzburg geleë, wat deel uitmaak van die Parys-Budapest-Istanbul-spoor. Plaaslike treine verbind Teisendorf uurlik met München en Salzburg sonder omstygings. Suid van Teisendorf, aan die noordhang van die Teisenberg, loop die A8 verbei — die hoofverbinging van Duitsland in rigting suidoos. Die naaste aansluiting aan die Autobahn is in Neukirchen, ca. 8 km in die verheid.

Besienswaardighede

In die nabyheid van Teisendorf word die Achthal met 'n bergboumuseum en die kloosterkerk Höglwörth bevind. 'n Gewilde wandeloord is die Stoißer Alm (1 272 m) aan die Teisenberg. Op die markplein van Teisendorf staan die Heilige Rupert, beskermheilige van Rupertwinkel. Die landmerk van Teisendorf is die in 1437 geboude Rooms-Katolieke kerk St. Andreas, met haar van ver sigbare toring.

Kommunale Partnerschaften

Seit 1972 bestehen Partnerschaften mit den Gemeinden Bétète und Genouillac in Frankreich, Département Creuse, die durch gegenseitige Besuche mit Unterbringung in Gastfamilien gepflegt werden.-->

Toerisme

Soos in die res van die streek is toerisme ook in Teisendorf 'n belangrike inkomstebron. Met 872 vreemdebeddens en ongeveer 63 000 jaarlikse oornagtings is toerisme 'n aansienlike ekonomiese afdeling in die dorp. In Teisendorf het die Verkeersdepartement 'n afgebakende wandelnetwerk geskep wat ongeveer 300 km in totaal beslaan. Fietsry is op 200 km van die dorpstrate moontlik.

Bekende persoonlikhede

Mense in Teisendorf gebore

• Silvia Bovenschen (* 1946), Letterkundige wetenskaplike, skrifsteller
• Josef Brustmann (* 1954), Kabaretkunstenaar
• Rainer Hörgl (* 1957), voormalige afrigter van die tweedeliga-voetbalklub FC Augsburg
• Tobias Regner (* 1982), Sanger
• Sebastian Walcher (* 1956), Professor in Wiskunde aan RWTH Aachen

Met Teisendorf verbind

• Helmut Schmidt-Vogt (* 1918), Bosbouwetenskaplike, lei van 1956 tot 1964 die Forstamt Teisendorf

Sien ook

• Lys van gemeentes in Beiere

Eksterne skakels

• Die bergboumusuem in Achthal, Bergbaumuseum Achthal
• Die ysterertsafsettings te Kressenberg by Neukirchen Geargiveer 25 Oktober 2007 op Wayback Machine
• Ondernemingskring van Teisendorf