Tempel van Bacchus
Die Tempel van Bacchus was 'n belangrike Romeinse tempel in Baalbek, Libanon.[1] Die tempel is opgedra aan Bacchus (ook bekend as Dionusos), die Romeinse god van wyn. Dit word beskou as een van die bes bewaarde Romeinse tempels in die wêreld. Die tempel is omstreeks 150 gebou deur 'n onbekende argitek namens die Romeinse keiser Antoninus Pius.
Die tempel is 69 meter lank en 36 meter breed. Die mure is versier met twee en veertig kolomme in die Korintiese orde. Negentien kolomme, met 'n hoogte van 19 meter, het regop gebly. Die kolomme dra 'n ryk gesnede entabulatuur. Die cella is versier met Korintiese halfkolomme. Tonele van die geboorte en lewe van Bacchus word weerskante van die sella uitgebeeld. Die adyton (binne heiligdom) staan bo 'n trap.
Die tempel is naby 'n groter tempel wat aan Jupiter en Baäl gewy is, wat duisende besoekers in antieke tye gelok het. In Baalbelk was daar ook 'n tempel wat aan Venus gewy is. In 1984 is die verskillende ruïnes van Baalbek deur Unesco tot Wêrelderfenisgebied verklaar.[1]