Dassievoël

Die dassievoël (Thamnolaea cinnamomeiventris) is 'n voël in die familie van vlieëvangers (Muscicapidae) in die orde van die sangvoëls (Passeriformes). Die spesie is vroeër as 'n lid van die lysterfamilie beskou. In Engels staan die voël as die Mocking cliff-chat bekend.

Dassievoël
'n Wyfie in Pilanesbergwildreservaat, en 'n roepopname uit die Waterberg
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Klas:	Aves
Orde:	Passeriformes
Familie:	Muscicapidae
Subfamilie:	Saxicolinae
Genus:	Thamnolaea
Spesie:	T. cinnamomeiventris
Binomiale naam
Thamnolaea cinnamomeiventris (Lafresnaye, 1836)
Sinonieme
Myrmecocichla cinnamomeiventris

Die voël is 'n algemene, maar gelokaliseerde, standvoël wat op kranse en rotsbesaaide heuwelhange en klowe leef.

Identifikasie

Die voël is 22 cm lank en weeg 46 tot 53 gram. Die mannetjie is blinkswart met 'n helder, kastaiingbruin pens, fondament en kruis, en wit skouervlekke. Die wyfie het 'n donkergrys rugkant en die borskant is kastaiingbruin. Die jong voël lyk na die wyfie maar is net valer. Hulle woon in familiegroepe of pare saam en soek ook kos op die grond.

'n Mannetjie te Mapungubwe

Sien ook

• Alfabetiese lys van Suid-Afrikaanse voëls
• Lys van Suid-Afrikaanse voëls (Groepeer)
• Lys van Suider-Afrikaanse voëls volgens wetenskaplike name

Bronnelys

• Newman se Voëls van Suider-Afrika, ISBN 1868729826
• Sasol Voëls van Suider-Afrika. Struik Nature. Vierde Uitgawe 2011. ISBN 978-1-77007-926-7