The Guns of August
The Guns of August (1962), ook gepubliseer as August 1914, is geskryf deur Barbara Tuchman. Dit sentreer rondom die eerste maand van die Eerste Wêreldoorlog. Ná die inleidende hoofstukke, beskryf Tuchman die eerste gebeure van die konflik in groot detail. Die fokus van die boek word dan 'n militêre geskiedenis van die deelnemers aan die oorlog, en veral die groot magte soos Duitsland, die Verenigde Koninkryk en die VSA.
The Guns of August
| |
|---|---|
| Skrywer | Barbara W. Tuchman |
| Omslagontwerper | Penguin Uitgewers |
| Land |  Verenigde State |
| Taal | Engels |
| Genre | Militêre geskiedenis |
| Uitgewer | 1962 (Macmillan) |
| Uitgegee | 1962 |
| Bladsye | 511 |
| ISBN | 978-0-241-96821-5 |
The Guns of August voorsien dus 'n oorsig oor die vroegste fases van die Eerste Wêreldoorlog, vanaf die besluit om oorlog te voer tot die begin van die Frans-Britse offensief wat verhoed het dat die Duitse Ryk tot binne in die grense van die Franse Derde Republiek vorder. Die gevolg hiervan was vier jaar van loopgraaf-oorlog. Deur die loop van haar verhaal sluit Tuchman gesprekke van die planne, strategieë, wêreldgebeurtenisse en internasionale sentimente voor en gedurende die oorlog in.
Met dié boek het Tuchman die Pulitzerprys vir algemene nie-fiksie in 1963 gewen. [1] Die werk was ook uiters gewild. Tuchman het later na die onderwerp van maatskaplike houdings en kwessies wat voor die Eerste Wêreldoorlog bestaan het en wat aangeraak is in The Guns of August teruggekeer by wyse van haar bundel van agt essays wat in 1966 gepubliseer is onder die titel The Proud Tower: A Portrait of the World Before the War, 1890–1914.[2]
Bronne
wysig- The Guns of August (1962), ISBN 978-0-241-96821-5
Verwysings
wysig- ↑ 1963 Winners, The Pulitzer Prizes.
- ↑ Yardley, Jonathan (16 Maart 2009). "Jonathan Yardley Reviews 'The Proud Tower,' deur Barbara Tuchman". The Washington Post.
| Hierdie artikel is in sy geheel of gedeeltelik vanuit die Engelse Wikipedia vertaal. |
