Tim Couzens
Tim Couzens (1944–2016) was ’n Suid-Afrikaanse literêre en sosiale geskiedskrywer. In 1993 is hy met die CNA-literêre prys, asook die Sunday Times-Alan Paton-toekenning bekroon vir sy boek, Tramp Royal: The True Story of Trader Horn. Hy het 16 werke gepubliseer, waaronder Battles of South Africa, Murder at Morija en Nelson Mandela se Conversations With Myself.[1]
Tim Couzens | |
|---|---|
| Gebore | 13 Februarie 1944 Durban |
| Sterf | 28 Oktober 2016 Johannesburg |
| Beroep | Skrywer |
| Nasionaliteit | Suid-Afrika |
| Genre | Literêre en sosiale geskiedenis |
| Noemenswaardige toekennings | CNA-prys Sunday Times/Alan Paton-toekenning |
Couzens is op 13 Februarie 1944 in Durban gebore en is aan die Hoërskool Durban, Rhodes Universiteit en die Universiteit van die Witwatersrand opgelei. Hy het tot 1976 by die Engelse Departement by Wits gedoseer, waarna hy by die Wits-instituut vir Afrika-studies aangesluit het, en daar tot sy aftrede professor was. Hy is op 28 Oktober 2016 by sy huis in Johannesburg oorlede nadat hy geval en beseer is. Hy was 72 jaar oud.[2]
Publikasies
wysig- The Great Silence: From Mushroom Valley to Delville Wood, South African Forces in World War One (Sunday Times Books, 2014)
- Battles of South Africa (David Philip, 2004)
- Murder at Morija: Faith, Mystery, and Tragedy on an African Mission, (University of Virginia Press, 2003)
- 'n Nuwe weergawe van Sol Plaatje se Mhudi (Francolin Publishers, 1996)
- Tramp Royal: The True Story of Trader Horn (Wits University Press, 1992)
- The New African: A Study of the Life and Work of H.I.E. Dhlomo (Ravan Press, 1985)
- The Return of the Amasi Bird: Black South African Poetry 1891–1981 (Ravan Press, 1982), mede-redakteur met Essop Patel[3]
Verwysings
wysig- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ "Respected author Tim Couzens dies". News24 (in Engels). Geargiveer vanaf die oorspronklike op 3 Oktober 2018. Besoek op 28 Oktober 2016.
- ↑ Grant-Marshall, Sue (28 Oktober 2014). "AUTHOR INTERVIEW: Pity of the Great War". Business Day Live. Geargiveer vanaf die oorspronklike op 3 Oktober 2018. Besoek op 12 Augustus 2015.