Toni Frissell
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Antoinette Frissell Bacon, beter bekend as slegs Toni Frissell, was 'n Amerikaanse fotograaf, bekend vir haar modefotografie, foto's van die Tweede Wêreldoorlog en portrette van bekende Amerikaners en Europeërs en kinders en vrouens uit alle kringe van die lewe.
Toni Frissell | |
|---|---|
 "Ek sal eerder met 'n kamera bekruip, as met 'n geweer" c. 1935. | |
| Gebore | Antoinette Frissell 10 Maart 1907 |
| Sterf | 17 April 1988 (op 81) Long Island, New York |
| Nasionaliteit |  Verenigde State |
| Beroep | Fotograaf |
| Eggenoot | Francis M. Bacon, III |
Voor-oorlogse loopbaan
wysigAntoinette Frissell is op 10 Maart 1907 in Manhattan gebore, maar het foto's onder die naam "Toni Frissel" geneem, selfs ná haar huwelik met die Manhattanse sosiale swierbol, Francis M. Bacon III. Sy het met baie van die destyds bekende fotograwe gewerk, as 'n vakleerling van Cecil Beaton en saam met Edward Steichen. Haar aanvanklike werk as 'n modefotograaf vir Vogue in 1931, was te danke aan Condé Montrose Nast die stigter van Condé Nast Publications (die eienaar van o.a. Vogue en Vanity Fair). Sy het later foto's geneem vir Harper's Bazaar. Haar mode foto's, selfs die van aandrokke ens., was dikwels buitemuurs afgeneem, om die klem te lê op aktiewe vroue.
Tweede Wêreldoorlog
wysigIn 1941 het Frissell as vrywillige fotograaf by die Amerikaanse Rooi Kruis aangesluit. Sy het later vir die Amerikaanse Agtste Lugmag gewerk en het die amptelike fotograaf van die Vroue Korps geword. Sy het om hulle ontwil foto's geneem van verpleegsters, fronttroepe, swart vlieëniers en weeskinders. Sy het twee keer na die Europese front gereis tydens die oorlog. Haar foto's van militêre vrouens en swart vegvlieëniers in die elite 332de Veggroep (die Tuskegee Airmen) was bedoel om publieke ondersteun vir vrouens en swart mense in militêre diens aan te moedig.
Na die oorlog
wysig
In die 1950's het Frissel informele portrette van bekendes en invloedrykes in die Verenigde State en Europa geneem, insluitende Winston Churchill, Eleanor Roosevelt en John F. en Jacqueline Kennedy. Sy het ook vir die tydskrifte Sports Illustrated en Life gewerk. Sy het volgehou met haar belangstelling in aktiewe vroue en sport en was in 1953 die eerste vroulike fotograaf van die personeel van Sports Illustrated; sy was een van baie min vroulike sportfotograwe in die daaropvolgende dekades.
Haar latere werk het gefokus op vroue uit alle kringe van die lewe, dikwels bedoel as kommentaar oor die menslike kondisie.
Boeke
wysigVersamelde illustrasies van haar foto's:
- A Child's Garden of Verses (1944)
- Bermuda: The Happy Island (1946)
- Mother Goose (1948)
- The King Ranch, 1939-1944 (1965)
Aantekeninge
wysig- Hierdie artikel se oorspronklike weergawe is 'n vertaling van die Engelse Wikipedia-artikel, Toni Frissell.
Eksterne skakels
wysig| Wikimedia Commons bevat media in verband met Toni Frissell. |
- Toni Frissell, 81, Dies; A Noted Photographer - doodsberig in die New York Times.
Biblioteek van die V.S.A. Kongres
wysigDie Amerikaanse Biblioteek van die V.S.A. Kongres het 'n groot versameling van haar foto's, maar blykbaar nie 'n lys waaruit hulle almal besoek kan word nie.
- Toni Frissell Collection:Prints and Photographs Division
- Endless Summer (Imagination): American Treasures of the Library of Congress
- Toni Frissell - Women Come to the Front (Library of Congress Exhibition) - foto's van die Tweede Wêreldoorlog
- Toni Frissell Collection (Prints and Photographs Reading Room, Library of Congress)