Tonium
| Eon | Era | Periode | Ouderdom mj. | |
|---|---|---|---|---|
| Fanerosoïkum | Paleosoïkum | Kambrium | later | |
| Proterosoïkum | Neo- | Ediacarium | 635 - 541 | |
| Kriogenium | 720 - 635 | |||
| Tonium | 1000 - 720 | |||
| Meso- | Stenium | 1200 - 1000 | ||
| Ektasium | 1400 - 1200 | |||
| Kalimnium | 1600 - 1400 | |||
| Paleo- | Staterium | 1800 - 1600 | ||
| Orosirium | 2050 - 1800 | |||
| Riasium | 2300 - 2050 | |||
| Siderium | 2500 - 2300 | |||
| Argeïkum | Neoargeïkum | vroeër | ||
| Indeling van die Proterosoïkum volgens die ICS.[1] | ||||
Die Tonium is 'n periode van die Neoproterosoïkum wat van ongeveer 1000 - 720 miljoen jaar gelede geduur het.
Tydens hierde periode het die kontinente 'n superkontinent, Rodinia, gevorm, wat begin het om uitmekaar te val.
Meerselligheid
wysigDaar is aanwysings dat aan die begin van die Tonium tot ongeveer 900 mj gelede die suurstofgehalte van die atmosfeer steeds baie laag was, amper 0,1%. Later het dit toegeneem (in fase 4 van die Groot Suurstofkatastrofe) en dit het dalk die ontstaan van groter meersellige organismes moontlik gemaak.[2] Meersellige organismes met sagte weefsels is bekend uit die Ediacarium, maar hulle het waarskynlik reeds vroeër ontstaan. Uit die Kriogenium is min bekend behalwe dat die Aarde aan ekstreme glasiasie blootgestel was. Daar is aanduidings dat meerselligheid van eukariote reeds in die Tonium teenwoordig was. Qing Tang et a. berig in 2016 dat hulle dit m.b.v. elektronmikroskopie op fossiele, Chuaria genoem, aangetoon het.[3] In die Atar/Mreïti-groep van die Taoudeni Bekken in Mauretanië is 48 verskillende mikrofossiele gevind wat uiters goed gefossiliseer is. Hulle ouderdom is ongeveer 1,1 miljard jaar. (Die oorgang van die Mesoproterosoïkum na die Tonium). Beghin et al. berig in 2107 dat 11 daarvan seker Eukariote is, 9 waarskynlik Eurkarioot 6 dalk Prokarioot en 22 wat nie duidelik is nie.[4]
Verwysings
wysig- ↑ Gradstein et al 2012
- ↑ Low Mid-Proterozoic atmospheric oxygen levels and the delayed rise of animals Noah J. Planavsky et al. Science 31 Okt 2014, 346(6209), bls. 635-638, DOI: 10.1126/science.1258410
- ↑ Electron microscopy reveals evidence for simple multicellularity in the Proterozoic fossil Chuaria Qing Tang, Ke Pang, Xunlai Yuan en Shuhai Xiao.
- ↑ Microfossils from the late Mesoproterozoic – early Neoproterozoic Atar/El Mreïti Group, Taoudeni Basin, Mauritania, northwestern Africa Jérémie Beghina, Jean-Yves Storme, Christian Blanpied, Nur Gueneli, Jochen J. Brocks, Simon W. Poulton, Emmanuelle J. JavauxaPrecambrian Research 291, 2017, bls 63–82
Eksterne skakels
wysig
Wikiwoordeboek het 'n inskrywing vir Tonium.
