Toriumchroomsilisied
Toriumchroomsilisied is 'n chemiese verbinding met formule ThCr2Si2
|
Algemeen | |
|---|---|
| Naam | Toriumchroomsilisied |
 | |
| Chemiese formule | ThCr2Si2 |
| Molêre massa | 392,192 |
| CAS-nommer | |
| Voorkoms | Vastestof |
| Fasegedrag | |
| Ruimtegroep | I4/mmm |
| Strukturbericht | D1₃ |
| Smeltpunt | >1050 °C?[1] |
| Kookpunt | |
| Digtheid | |
| Oplosbaarheid | |
|
Suur-basis eienskappe | |
| pKa | |
|
Veiligheid | |
| Flitspunt | |
|
Tensy anders vermeld is alle data vir standaardtemperatuur en -druk toestande. | |
Portaal  Chemie
| |
Sy kristalstruktuur is in 1965 deur Ban en Sikirica gepubliseer.[1] Hierdie struktuur is die argetipe van die D1₃[2] van die strukturbericht-klassifikasie wat by ongeveer 600 sogenaamde "122"-verbindings aangetref word.[3]
Struktuur
wysigDie struktuur kan in die I4/mmm-ruimtegroep beskryf word met die koördinate:
- Th in 2a: (0,0,0);
- Cr in 4d: (0,½,¼); (½,0,¼);
- Si in 4e: (0,0,z); (0,0,z);
Die chroomatome word deur 'n tetraëder van silikonatome omring en die CrSi4-tetraëders vorm lae wat 'n deursnee van die (anti)-fluoriet-struktuur weerspieël. Hierdie lae word deur Th-lae afgewissel wat kubies deur 8 Si-atome omring word. Daar is net een vrye parameter z van die Si-atome. Dié parameter se waarde kan van verbinding tot verbinding verskil. Hierdie struktuur is 'n geordende weergawe (superstruktuur) van die Al4Ba-struktuur waarin die aluminiumatome beide die Cr- en die Si-posisies beset.[4]
Vervaardiging
wysigBan en Sirikica het die verbinding as eerste vervaardig deur verhitting van saamgeperste poeiers van die elemente onder die smeltpunt. Hulle het 'n reeks nuwe verbindings gevind met formule ThM2Si2 waar M = Cr, Mn, Fe, Co, Ni en Cu wat almal dieselfde struktuurtipe gevorm het. Die eenheidselle het nogtans effens verskil.[1]
| M | a Å | b Å | inhoud Å3 |
|---|---|---|---|
| Cr | 4,043(1) | 10,577(2) | 173 |
| Mn | 4,021(1) | 10,493(2) | 169,7 |
| Fe | 4,038(3) | 9,820(5) | 150 |
| Co | 4,015(3) | 9,760(5) | 147,5 |
| Ni | 4,076(1) | 9,551(2) | 158,8 |
| Cu | 4,104(1) | 9,864(2) | 166,1 |
Eienskappe
wysigDie groot familie van stowwe wat hierdie struktuur besit is onderwerp van intensiewe navorsing, maar oor toriumchroomsilisied self is verder min bekend, behalwe 'n kwantumeganiese berekening van sy elastiese, elektroniese en magnetiese eienskappe.[5] Hierdie berekenings voorspel dat dit 'n metallieke geleier moet wees en dat dit 'n grondtoestand moet hê waarin die spins in anitferromagnetiese 'strepe' geordend is en daar kovalente bindings tussen Si atome moet wees.
Die chroomatome het 'n magnetiese moment van 1.20(25) μB, wat by 'n temperatuur van 1,5 K antiferromagneties georden is.[6]
Verwysings
wysig- ↑ 1,0 1,1 1,2 Ban, Z.; and Sikirica, M. Acta Crystallographica 18 (1965) p594-p599
- ↑ D1₃ is eintlik die kode van die binêre ongeordende BaAl4)-fase maar word ook vir die geordende een gebruik.
- ↑ On the coordination of ThCr2Si2 (BaAl4) -type compounds within the field of free parameters G. Just, P. Paufler Journal of Alloys and Compounds 232 (1996) 1-25
- ↑ The AFLOW Library of Crystallographic Prototypes Michael J. Mehl, David Hicks, Cormac Toher, Ohad Levy, Robert M. Hanson, Gus Hart, Stefano Curtarolo.
- ↑ Structural,elastic,electronic and magnetic properties of ThCr2Si2 from first-principles calculations I.R.Shein,A.L.Ivanovskii Solid State Communications 151(2011) 1165–1168
- ↑ Antiferromagnetism of ThCr₂Si₂, A. Szytuła, B. Penc, M. Hofmann, J. Przewoźnik Solid State Communications, 152(12), Junie 2012, bls. 1027–1029