Torquaydam

Die bou van die Torquaydam in die Oranjerivier was deel van die aanvanklike beplanning van die Oranjerivierprojek.

Die beoogde damterrein was net suid van die Torquayberg (20° 16′ suid, 23° 19′ oos), tussen Douglas en Hopetown in die Noord-Kaap en net voor die aansluiting van die Vaalrivier by die Oranjerivier. Hierdie dam met sy beplande kapasiteit van ‘n 400 miljoen m³ sou die kleinste van die drie reuse damme, die ander was die Gariepdam en die Vanderkloofdam, in die rivier wees. ‘n Kanaalstelsel sou besproeiingswater aan 23000 hektaar landbougrond noordwaarts tot in die omgewing wes van die Langberg by Witpan in die Kalahari en suidwaarts tot in die omgewing van Carnarvon verskaf. Mettertyd is afgesien van die bou van hierdie dam. Vroeg in die 21ste eeu is die terrein weer oorweeg vir die moontlike opwekking van hidroëlektrisiteit.

Bibliografie

• Final Scoping Report for the Construction of the South Hydroelectric Power Site and associated infrastructure, Orange River. sahris.sahra.org.za/sites/default/files/additonaldocs/
• Stallebras, J.L.: The Orange River Development Project. In: Suid-Afrikaanse Tydskrif vir Wetenskap, Oktober 1963
• Standard Encyclopaedia of Southern Africa, deel 8. Kaapstad: Nasou, 1973. ISBN 0-625-00324-1
• van Jaarsveld, A.Z.A.: Mont tot Mond. Noordstad, 2000. ISBN 0-620-25739-3