Townhall
Townhall is 'n Amerikaanse polities-konserwatiewe webblad en radionuusdiens. Dit is voorheen gepubliseer deur die Heritage Foundation, maar word tans besit en bedryf deur Salem Communications. The webblad bevat meer as 80 rubrieke (beide gesindikeerd en eksklusief) deur 'n verskeidenheid skrywers en kommentators, wat dikwels verskyn as gaskommentators op die Fox News kanaal. Townhall voorsien ook om-die-klok nuusuitsendings van vyf minute lank, wat nasionale- en wêreldnuus bevat.[1] Hierdie nuusuitsendings kry elke uur lugtyd op radiostasies wat deur Salem Communications besit word, sowel as op Salem Radio Network affiliate en die Sirius XM Patriot-kanaal 125.
Geskiedenis wysig
Townhall.com is in 1995 op die been gebring as een van die eerste konserwatiewe internetgemeenskappe. In 2005 het Townhall.com afgebreek van The Heritage Foundation. In Mei 2006 het Salem Communications Townhall.com gekoop en die webtuiste van stapel gestuur, met potgooie, kletsprogramme en blogs deur Salem se aanbieders. Enige gebruiker kon ook 'n webjoernaal begin op die Townhall.com netwerk.[2][3] Die webtuiste voorsien 'n groot aantal rubrieke en nuusitems wat vanaf 'n konserwatiewe oogpunt aangebied word.[4] In January 2008 het TownHall.com Townhall Magazine begin uitgee, 'n maandelikse konserwatiewe nuustydskrif. Behalwe vir eksklusiewe inhoud, bevat Townhall Magazine bydrae van Townhall.com se lesers.[5] In Februarie 2011 het TownHall.com TownhallFinance.com begin uitgee, 'n daaglikse finansiële- en beleggingsblad onder redakteurskap van John Ransom wat konserwatiewe finansiële kommentaar bied. In 2018 het Jerry Bowyer redakteur van die blad geword. Die blad het ook finansiële kommentaar van CNBC se Larry Kudlow gepubliseer. Kudlow het later hoof van die president se raad van ekonomiese adviseurs geword, waarna sy bydrae gestaak is. Die blad publiseer ook bydrae deur Fox Business Network se Charles Payne, die voormalige redakteur John Ransom, en die Cato Instituut se ekonomiese kenner, Daniel J. Mitchell.
Rubriekskrywers wysig
TownHall.com bevat kommentaar deur verskeie konserwatiewe rubriekskrywers asook gaskommentaar deur politici.[6] Weeklikse bydraers sluit onder andere in: Kurt Schlichter, Ben Shapiro, Michelle Malkin, Rachel Marsden, Ann Coulter, Marina Medvin, John Stossel en Dennis Prager. Van Townhall se vorige gasbydraers sluit in Eric Trump, Donald Trump jr., en Lara Trump.
| Hierdie artikel is in sy geheel of gedeeltelik vanuit die Engelse Wikipedia vertaal. |
Verwysings wysig
- ↑ "Breaking News – Latest World, US, Science, Entertainment, Election, Technology News and Current Events". Townhall (in Engels). Geargiveer vanaf die oorspronklike op 27 Mei 2020. Besoek op 15 Mei 2016.
- ↑ "Salem Communications to Acquire Townhall.com; Salem Expands News Talk Radio Platform into New Media with Addition of Leading Conservative Opinion Website.", The Free Library, 2014. Opgespoor op 4 Maart 2015.
- ↑ Andrew Romano, "The Right: The Next Big Thing?", Newsweek, 2 Julie 2006.
- ↑ Stephen Koff, "Republican presidential candidates talk to these conservative media outlets. Here's why." The Plain Dealer, 1 Junie 2015.
- ↑ Townhall Magazine, "premier issue", Januarie 2008.
- ↑ "Conservative Columnists with Political News Commentary, Analysis". Townhall (in Engels). Geargiveer vanaf die oorspronklike op 26 Mei 2020. Besoek op 22 Desember 2018.