Trafalgar-klas duikboot
| Subklas van | kern-aangedrewe aanvalduikboot |
|---|---|
| Kort naam | Trafalgar |
| Vernoem na | HMS Trafalgar |
| Voorafgegaan deur | Swiftsure-klas duikboot |
| Opgevolg deur | Astute-klas duikboot |
| Land van oorsprong | Verenigde Koninkryk |
| Operateur | Britse Vloot |
| Vervaardiger | Vickers Shipbuilding and Engineering |
| Ingebruikneming | 1983 |
Die Trafalgar-klas duikboot is 'n klas kernaangedrewe duikbote van die Britse Vloot wat missiele dra. Die klas bestaan uit sewe duibote: Trafalgar, Turbulent, Tireless, Torbay, Trenchant, Talent en Triumph. Gesamentlik staan hulle bekend as die T-bote. Die Trafalgar-klas het die Swiftsure-klas vervang. Hierdie klas was die mees gevorderdste klas in die Britse Vloot totdat die Asture-klas in gebruik geneem is. Die T-bote se ontwerp is ses jaar ná die van die Swiftsure-klas voltooi en oor 'n tien jaar periode vanaf 1983 afgelewer.
Die aflewering van die duikbote het met groot trompetgeskal geskied, die verbeteringe is veral beklemtoon. Dit sluit 'n verbeterde kernreaktor in asook die Tipe 2020 sonar. Tog was die uitleg van die duikboot aan die binnekant net soos dié van die Swiftsure en hulle was net 2,5 m langer. Daar was wel groot klem geplaas om die duikboot stiller te maak. Die sewelemskroef is vervang met pompstraal-aandrywing.
Tog was daar probleme met die klas wat groot mediapublisiteit aan die duikbote besorg het vir die verkeerde redes. Die eerste duikboot was HMS Tireless wat 'n lek ontwikkel het in een van sy verkoelingspompe in die reaktor. Die boot moes noodgedwonge sy vaart om die wêreld kortknip en het Gibraltar mank-mank bereik. Ander duikbote het ook tegniese probleme ondervind, sommige dieselfde as die van Tireless waarna die fout as die The Tireless Fault bekend gestaan het.
In die vroeë 2000's is sommige van die duikbote opgradeer sodat hulle tot minstens 2010 in diens kon bly.
Duikbote in die klas wysig
Die klas is baseer by die Devonport-vlootbasis, in die stad Plymouth, Engeland. Almal is deur Vickers Shipbuilding and Engineering in Barrow-in-Furness gebou.
| Naam | Duikboot | Wimpel- nommer |
Kiel gelê | Te water gelaat | In diens gestel | Status |
|---|---|---|---|---|---|---|
| HMS Trafalgar | 1 | S107 | 25 April 1979 [1] | 1 Julie 1981 [1] | 27 Mei 1983 [1] | Uit diens gestel op 4 Desember 2009[2] |
| HMS Turbulent | 2 | S87 | 8 Mei 1980 [1] | 1 Desember 1982 [1] | 28 April 1984 [1] | Uit diens gestel op 14 Julie 2012 |
| HMS Tireless | 3 | S88 | 6 Junie 1981 [1] | 17 Maart 1984 [1] | 5 Oktober 1985 [1] | Uit diens gestel op 9 Junie 2014[3] |
| HMS Torbay | 4 | S90 | 3 Desember 1982 [1] | 8 Maart 1985 [1] | 7 Februarie 1987 [1] | Uit diens gestel op 14 Julie 2017[4] |
| HMS Trenchant | 5 | S91 | 28 Oktober 1985 [1] | 3 November 1986 [1] | 14 Januarie 1989 [1] | In reserwe [5] |
| HMS Talent | 6 | S92 | 13 Mei 1986 [1] | 15 April 1988 [1] | 12 Mei 1990 [1] | In aktiewe diens[5] |
| HMS Triumph | 7 | S93 | 2 Februarie 1987 [1] | 16 Februarie 1991 [1] | 12 Oktober 1991 [1] | In aktiewe diens[5] |
Tegniese besonderhede wysig
| Item | Statistiek |
|---|---|
| Verplasing (oppervlak) | 4 650 metrieke ton |
| Verplasing (onderwater) | 5 200 metrieke ton |
| Lengte | 85,4 m |
| Breedte | 9,8 m |
| Aandrywing | 1 x Rolls-Royce PWR1 kernreaktor 2 x stoomturbine 11 185,5 kW |
| Spoed (oppervlak) | 25 knope |
| Spoed (onderwater) | 30 knope |
| Bemanning | 130 lede |
| Wapens | 5 x torpedobuise vir Spearfish torpedos RN Sub-Harpoon missiele Tomahawk missiele |
Bron wysig
- The Illustrated Encyclopedia Of Destroyers Frigates & Submarines, Bernard Ireland and John Parker, 2015, ISBN 978-0-85723-601-2
Verwysings wysig
- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 1,14 1,15 1,16 1,17 1,18 1,19 1,20 Sharpe, Richard, Jane's Fighting Ships, 1996–97, pub 1996, Jane's Information Group, ISBN 0-7106-1355-5 page 758.
- ↑ "HMS Trafalgar pulls down flag and retires from sea" (in Engels). Northwest Evening Mail. 5 Desember 2009. Geargiveer vanaf die oorspronklike op 4 Maart 2012. Besoek op 12 November 2010.
- ↑ HMS Tireless navy submarine ends service at Devonport, bbc.com, 19 Junie 2014
- ↑ "HMS Torbay's Decommissioning" (in Engels). Ministry of Defence. Geargiveer vanaf die oorspronklike op 5 Julie 2019. Besoek op 18 Julie 2017.
- ↑ 5,0 5,1 5,2 "Trafalgar Class Submarines: Decommissioning:Written question - 47777". www.parliament.uk (in Engels). 17 Oktober 2016. Geargiveer vanaf die oorspronklike op 5 Julie 2019. Besoek op 13 Desember 2017.