Fenegriek

Fenegriek (Trigonella foenum-graecum) is 'n eenjarige plant in die familie Fabaceae, met blare wat uit drie klein eierrond tot langwerpige blaartjies bestaan. Dit word wêreldwyd verbou as 'n semi-droë gewas, en sy saad is 'n algemene bestanddeel in geregte van die Indiese subkontinent.

Fenegriek
Wetenskaplike klassifikasie
Koninkryk:	Plantae
(geen rang):	Angiosperms
(geen rang):	Eudicots
(geen rang):	Rosids
Orde:	Fabales
Familie:	Fabaceae
Genus:	Trigonella
Spesie:	T. foenum-graecum
Binomiale naam
Trigonella foenum-graecum L.

Fenegriek groenigheid

Fenegriek word gebruik as kruie (gedroogde of vars blare), speserye (sade), en groente (vars blare en spruite). Sotolon is die chemiese bestanddeel wat verantwoordelik is vir die kenmerkende soet reuk van fenegriek. Kuboïedgevormde, geel tot oranje-gekleurde fenegrieksade kom dikwels voor in die kookkuns van die Indiese subkontinent. Dit word beide heel en verpoeier gebruik in die voorbereiding van piekels, groentedisse, daals en speserymengsels soos panch phoron en sambarpoeier. Hulle word dikwels gerooster om hul bitterheid te verminder en die smaak te verbeter.