Vragmotor

(Aangestuur vanaf Trok)

'n Vragmotor of trok (ook soms lorrie) is 'n tipe vragvoertuig wat gebruik word om goedere op paaie te vervoer. Die meeste vragmotors het dieselenjins, wat diesel as brandstof gebruik. Die woord "trok" kom van die Griekse woord "trochos", wat "wiel" beteken.

Sy- en onderkant van 'n 18-wiel-vragmotor:
1. Kopstuk
2. Sleepwa (kan afgehaak word)
3. Enjin
4. Kajuit
5. Slaapplek (nie by alle vragmotors nie)
6. Windvlerk
7. Brandstoftenk
8. Vyfdewielkoppeling
9. Vragruimte
10. Pote vir wa wat afgehaak is
'n Tipiese Road Train in Australië.
Daimler-Lastwagen, 1896

Tipe vragmotors volgens grootteWysig

Ligte vragmotorsWysig

Ligte vragmotors is dié wat min of meer so groot soos motors is. Hulle word deur individue en maatskappye gebruik om kleiner voorwerpe te vervoer. In die Verenigde State van Amerika word 'n vragmotor as 'n ligte trok geklassifiseer as dit minder as 6 300 kg (13 000 pond) weeg.

MediumvragmotorsWysig

Mediumvragmotors is swaarder as ligte vragmotors, maar ligter as swaar vragmotors. Hulle word gewoonlik gebruik vir plaaslike aflewerings en openbare dienste soos afvalverwydering. In die Verenigde State word 'n vragmotor as 'n mediumtrok geklassifiseer as dit tussen 6 300 kg (13 000 pond) en 15 000 kg (33 000 pond) weeg.

SwaarvragmotorsWysig

Swaarvragmotors is die swaarste vragmotors wat op paaie toegelaat word. Hulle staan ook in die spreektaal as lorries bekend (dit is eintlik die Engelse woord vir 'n vragmotor). Die meeste swaarvragmotors is sleeptrokke, waarvan die kopstuk ('n perd genoem) van die sleepwa afgehaak kan word. Die enjin is in die kopstuk, terwyl die sleepwa sy eie wiele het, maar nie oor 'n enjin beskik nie.

Swaarvragmotors het 'n bruto voertuigmassa van 15 000 kg (33 000 lb) of meer (m.a.w. die massa van die voertuig plus die massa van die loonvrag is 33 000 pond of meer). Wanneer 'n swaardiensvragmotor 'n sleepwa trek, kan dit 'n bruto kombinasiemassa van 36 360 kg (80 000 lb) of meer hê.

FotogaleryWysig