Vragvoertuig

'n Vragvoertuig is 'n tipe voertuig wat ontwerp is om 'n vrag (gewoonlik goedere of lewende hawe) te vervoer. Vragvoertuie is 'n noodsaaklike element van moderne ekonomieë, waar goedere van vervaardigers na store en uiteindelik na verbruikers geneem word. So moet brandstof van raffinaderye na petrolstasies vervoer word, en winkels se voorraad moet voortdurend aangevul word.

Vrag word per helikopter afgelewer

Daar is verskeie tipes vragvoertuie. Die beste metode van vervoer word gewoonlik bepaal deur die kostes verbonde, asook afstande, terrein en infrastruktuur wat tussen die vervoerpunte beskikbaar is. Voorbeelde van vragvoertuie sluit in:

• Goederetrein
• Vragskip
• Vragvliegtuig
• Vragmotors
  • Trok
  • Lorrie
  • Bakkie
• Kruiwa