Trui

'n Trui is 'n gebreide kledingstuk, wat tradisioneel van wol of katoen gemaak word. Dit het moue en word oor die kop aangetrek, omdat dit nie oop is aan die voorkant nie, in teenstelling met 'n sweetpaktop of 'n cardigan. Dit is gewoonlik noupassend en masjiengebrei in teenstelling met 'n "Guernsey" wat meer dikwels handgebrei is met dikker gare.

Geskiedenis

Jersey, in die Kanaaleilande, was bekend vir sy breihandel in die Middeleeue, en as gevolg van dié oorspronklike roem, is die naam jersey/trui nog steeds van toepassing op verskeie vorms van gebreide materiaal, hetsy rond of plat. Die tradisionele trui, en tradisionele Guernsey, was donkerblou gekleur, met behulp van 'n kleurstof wat nie benodig het dat die wol van sy natuurlike olie gestroop word nie, dus was hierdie truie verbasend waterdig. Die wol wat vir die maak van Guernseys gebruik word, word dikwels deur olie getrek om dit dubbeld waterbestand te maak.

Sporttruie

Alternatiewelik, is 'n trui wat tydens sportdeelname gedra word, eintlik 'n soort hemp wat deur elke lid van 'n span gedra word. Dit vertoon tipies die atleet se naam en spannommer, sowel as die logo van die span of die korporatiewe borg. Fietsrytruie van 'n spesifieke kleur verteenwoordig 'n sekere status in die wedren, soos die geel trui van die voorloper in die Tour de France, of die reënboogtrui van die wêreldkampioen. Fietsryers se truie word gewoonlik van sintetiese materiaal ('n mikrovesel) gemaak, wat help om sweet van die vel af weg te trek en dit sodoende te laat verdamp. Die belangrikste kledingstuk van 'n yshokkie-uniform is tradisioneel bekend as 'n "sweater", en staan deesdae bekend as 'n hokkietrui. Hierdie kledingstukke, saam met basketbaltruie wat gewoonlik mouloos is, en bofbaltruie wat gewoonlik toeknoop, word toenemend gebruik as mode-bykomstighede.

In sommige sportsoorte soos hokkie, bofbal, basketbal, en Amerikaanse voetbal, kan 'n speler se trui "afgetree" word. Indien 'n trui aftree, word daardie speler se trui gewoonlik uitgestal waar die span ter ere van die speler se prestasie speel. Wanneer 'n sekere trui afgetree het, is die nommer op die speler se trui gewoonlik nie weer beskikbaar vir toekomstige spelers nie.

Eksterne skakels

Wikimedia Commons het meer media in die kategorie Trui.

Hierdie artikel is in sy geheel of gedeeltelik vanuit die Engelse Wikipedia vertaal.