Tsjornije Bratja
Tsjornije Bratja (Russies: Чёрные Бра́тья, letterlik "Swart Broers"; Japannees: 知理保以島, Chiripoi-to) is twee onbewoonde vulkaniese eilande tussen Simoesjir en Oeroep in die Koerile-argipel in die See van Ochotsk, noordwestelike Stille Oseaan. Die grootste een van die twee is Tsjirpoi en die kleinste een Brat Tsjirpojef (Russies vir "Tsjirpoi se broer"). Die oorsprong van die name is onbekend: Die oorspronklike Ainoe-naam vir die eiland was Repoenmosjiri, 'n woord wat “plek van baie klein voëls” beteken.
| Tsjornije Bratja | |
|---|---|
| Eilande van die Koerile | |
 'n Nasa-foto van Tsjirpoi en Brat Tsjirpojef.
| |
| Ligging | See van Ochotsk |
| Plaaslike naam | Чёрные Братья 知理保以島 |
| Argipel | Koerile |
| Oppervlakte | 36 km2 |
| Hoogste punt | 691 m |
| Land |  Rusland
|
| Deelgebied | Sachalin-oblast |
| Bevolking | 0 |
Die eilande is onbewoon en deel van Sachalin-oblast, Rusland.[1]
Geografie wysig
Die Tsjirpoi-eilande is die oorblyfsels van 'n gedeeltelik oorstroomde kandera (groot vulkaankrater) van 8-9 km breed. Die twee eilande word omring deur 'n aantal klein eilandjies en seerotse. Saam vorm almal die Tsjornije Bratja-eilande. Die twee hoofeilande word deur die Straat van Sneeu geskei.
Tsjirpoi, die noordelikste een van die twee, het 'n oppervlakte van sowat 21 km2. Dit bestaan uit twee oorvleuelende stratovulkane met die name Tsjorni ("Swart") en Sneeu. Tsjorni is die hoogste punt op die eiland (691 m). Op 27 November het Sneeu uitgebars en dit was lank daarna nog aktief. Brat Tsjirpojef, die suidelikste eiland, het 'n oppervlakte van sowat 16 km2.
Die eilande word deur die Straat van Boessol geskei van Simoesjir 69 km noordoos en deur die Straat van Oeroep van die eiland Oeroep 30 km suidwes. Broeton-eiland lê 20 km noordwes van die Swart Broers.
Verwysings wysig
- ↑ History of the Kuril Islands Geargiveer 14 November 2001 op Wayback Machine
Skakels wysig
Hierdie artikel is in sy geheel of gedeeltelik uit die Engelse Wikipedia vertaal.
