Twiggy
Dame Lesley Lawson (gebore Lesley Hornby; 19 September 1949) is 'n Engelse model, aktrise en sangeres wat algemeen as Twiggy bekend is. Sy was 'n Britse kultuurikoon en 'n bekende tienermodel tydens die swinging sixties in Londen.
| Dame Lesley Lawson | |
|---|---|
| DBE | |
.jpg) Twiggy op die stel van The Boy Friend (1971).
| |
| Ook bekend as | Twiggy |
| Geboortenaam | Lesley Hornby |
| Beroep | Model, aktrise, sangeres |
| Gebore | 19 September 1949 Neasden, Middlesex, Engeland |
| Aktief | 1966-tans |
| Eggenoot |
|
| Kinders | 1 |
Loopbaan
wysigTwiggy was aanvanklik bekend vir haar skraal lyf en die androgene voorkoms wat die gevolg was van haar groot oë, lang wimpers en kort hare.[1][2] Sy is deur die Daily Express aangewys as "die gesig van 1966"[3] en is gekies as Britse vrou van die jaar.[4] Teen 1967 het sy modelwerk gedoen in Frankryk, Japan en die VSA, en was sy op die voorblad van Vogue en The Tatler. Sy het wêreldwyd beroemd geword.[4]
Daarna het Twiggy 'n suksesvolle loopbaan gehad as aktrise in rolprente, op die verhoog en op televisie. Vir haar rol in die rolpent The Boy Friend (1971) het sy twee Golden Globes gewen, as beste aktrise in 'n komedie of musiekblyspel en as vroulike nuweling van die jaar.
In 1983 het sy haar debuut op Broadway gemaak in die musiekblyspel My One and Only, waarvoor sy vir 'n Tony benoem is. Sy het later haar eie reeks, Twiggy's People, aangebied waarin sy onderhoude met sterre gevoer het; sy was ook 'n beoordelaar in America's Next Top Model. Haar outobiografie van 1998, Twiggy in Black and White, was op topverkoperlyste.[3] Sedert 2005 het sy modelwerk vir Marks & Spencer gedoen en in TV-advertensies en die gedrukte media verskyn saam met modelle soos Lily Cole.[5]
Verwysings
wysig- ↑ Best Models of All Time: #7 Twiggy Harper's Bazaar.
- ↑ Roberts, Yvonne (2 November 2005). "Twiggy's wrinkles". The Guardian. Londen, VK.
- ↑ 3,0 3,1 "Twiggy – The Official Site". Twiggylawson.co.uk. 19 September 1949. Geargiveer vanaf die oorspronklike op 10 Oktober 2012. Besoek op 1 Mei 2010.
- ↑ 4,0 4,1 "Twiggy biography". Thebiographychannel.co.uk. Geargiveer vanaf die oorspronklike op 26 Junie 2010.
- ↑ Sweney, Mark (12 November 2008). "Marks & Spencer unveils Christmas campaign". The Guardian (in Engels (VK)). ISSN 0261-3077. Besoek op 24 November 2019.
Skakels
wysig
Wikimedia Commons het meer media in die kategorie Twiggy.
Hierdie artikel is in sy geheel of gedeeltelik uit die Engelse Wikipedia vertaal.
