USS Albacore (AGSS-569)

USS Albacore

Duikboot, preserved watercraft

Gebruik	museum skip
Amptelike naam	USS Albacore
Land	Verenigde State
Geleë in administratiewe eenheid	Portsmouth
Geografiese ligging	43°4′57″N 70°46′0″W
Land van oorsprong	Verenigde State
Belangrike gebeurtenis	ship launching
Operateur	Amerikaanse Vloot
Vervaardiger	Portsmouth Naval Shipyard
Erfenisbenaming	National Historic Landmark, National Register of Historic Places listed place
Vlagstaat	Verenigde State

Die USS Albacore was 'n konvensionele dieselaangedrewe eksperimentele duikboot van die Amerikaanse Vloot waarmee pionierswerk vir die traandruppelontwerp gedoen is. Die eksperimentering het aanleiding gegee tot die Skipjack-klas duikbote.

Tewaterlating by die Portsmouth Vlootskeepswerf, 1 Augustus 1953

Hierdie rewolusionêre ontwerp was geskoei op intensiewe hidrodinamiese en windtonneltoetse met die klem op onderwaterspoed en beweegbaarheid. Hierdie was die derde skip van die Amerikaanse Vloot wat die naam Albacore gedra het.

Sy kiel is op 15 Maart 1952 by die Portsmouth Vlootskeepswerf, Maine gelê en die boot is te water gelaat op 1 Augustus 1953.

Toetsfases

Die duikboot se indienstydperk was een lang eksperiment en kan in vier fases verdeel word:

• Fase I (1953–55)
  • Hidrovlerke aan die boeg, enkelskroef, beheeroppervlaktes agter die skroef, dorsale roer

• Fase II (1956–59)
  • Geen boeghidrovlerke, beheeroppervlaktes voor die skroef

• Fase III (1960–66)
  • X-agterstewe, noodluginlaatstelsel, snelheidsremme, dorsale roer (heraktiveer)

• Fase IV (1967–72)
  • X-agterstewe, kontra-roterende skroewe, silwer-sinkbattery, stroomlyn van romp (Projek SURPASS).