USS Bunker Hill (CV-17)

USS Bunker Hill

Vliegdekskip

Vaartuig klas	Essex-class (short bow), Essex-klas vliegdekskepe
Amptelike naam	USS Bunker Hill
Konflik	Tweede Wêreldoorlog
Vernoem na	Slag van Bunker Hill
Motto teks	Never Surrender, Never Sink
Belangrike gebeurtenis	keel laying, ship launching, ship commissioning, ship decommissioning, ship breaking
Operateur	Amerikaanse Vloot
Vervaardiger	Fore River Shipyard
Ligging van vervaardiging	Quincy
Vlagstaat	Verenigde State
Teken nommer	AVT-9

Die USS Bunker Hill (CV/CVA/CVS-17, AVT-9) is een van 24 Essex-klas vliegdekskepe wat gedurende die Tweede Wêreldoorlog vir die Amerikaanse Vloot gebou is. Die skip is vernoem na die Slag van Bunker Hill wat deel was van die Amerikaanse Onafhanklikheidsoorlog. Die skip is in 1943 in diens gestel en na die Stille Oseaan gestuur. Daar het dit aan verskeie offensiewe en slagte deelgeneem in die sentrale en suidwes Stille Oseaan en ook aan die offensief teen Japan deur aan die Iwo Jima, Okinawa-invalle deel te neem en lugaanvalle op Japan hoofeiland gedoen.

Terwyl die skip die inval van Okinawa gedek het, was dit deur twee Kamikaze-vlieëniers, kort na mekaar, getref en dit het die skip aan die brand gesteek het. Ongevalle was meer as 600, insluitend 352 dood, 41 verlore en 264 gewond. Dit was die tweede meeste ongevalle deur enige vliegdekskip gelei en nog die oorlog oorleef het na die USS Franklin. Na die aanvalle het die Bunker Hill na Amerika teruggekeer en was besig om herstel te word toe die Tweede Wêreldoorlog beeindig is.

Na die oorlog is Bunker Hill gebruik om troepe terug te bring na Amerika vanuit die Stille Oseaan en is in 1947 uit diens onttrek. Terwyl dit in die reserwevloot was, is die skip herklassifiseer as 'n aanvalsvliegdekskip (CVA), later as 'n teenduikbootvliegdekskip (CVS) en laastens as 'n bystand-vliegtuiglandingopleidingskip (AVT). Dit was egter nooit gemoderniseer of weer in diens gestel nie. Bunker Hill en USS Franklin is die enigste twee Essex-klas skepe wat nooit weer in diens gestel is na die Tweede Wêreldoorlog nie.

Die skip is van die Vloot se Vaartuigregister verwyder in 1966. Dit is vir jare daarna as 'n elektroniese toetsplatform gebruik in San Diegobaai en is uiteindelik as skroot verkoop in 1973. Pogings om die skip as 'n museum te bewaar het in 1972 misluk.