USS Carl Vinson

USS Carl Vinson (CVN-70) is die Amerikaanse Vloot se derde Nimitz-klas supervliegdekskip. Hy is vernoem na Carl Vinson, 'n kongreslid van Georgia, uit erkenning vir sy bydraes tot die Amerikaanse Vloot. Die skip is in 1980 te water gelaat, het sy nooiensvaart in 1983 onderneem en het tussen 2005 en 2009 brandstofaanvulling en opknapping ondergaan.

USS Carl Vinson vaar in die Arabiese See.

Benewens ontplooiings in Operation Desert Strike, Operation Iraqi Freedom, Operation Southern Watch en Operation Enduring Freedom, was Carl Vinson betrokke by 'n aantal noemenswaardige gebeurtenisse. Die lyk van Osama bin Laden is in 2011 ter see begrawe vanaf die dek van Carl Vinson, en dieselfde jaar, op Veteranedag, het hy gasheer gespeel vir die eerste NCAA-basketbalwedstryd op 'n vliegdekskip, tussen Noord-Carolina en Michigan.