USS Enterprise (CVN-65)

Die USS Enterprise was 'n vliegdekskip van die Amerikaanse Vloot en was die grootste oorlogskip ooit gebou tydens sy waterlating in 1961. Dit was die eerste vliegdekskip wat deur kernkrag aangedryf is. Die boukoste was $451 300 000.

USS Enterprise (CVN-65)

USS Enterprise in die Atlantiese Oseaan, 2004.
Naam	USS Enterprise
Klas en tipe	Enterprise-klas vliegdekskip
Besteldatum	15 November 1957
Bouers	Newport News Shipbuilding
Gebruik deur	Amerikaanse Vloot
Voorganger	Kitty Hawk
Opvolger	Nimitz
Boudatum	1958–1961
Koste	VS $451,3 miljoen
Aantal beplan	6
Aantal neergelê	1
Datum neergelê	4 Februarie 1958
Tewaterlating	24 September 1960
Aantal voltooi	1
In diens gestel	25 November 1961
Onttrek	3 Februarie 2017
In gebruik	0
Lot	Afwagtend vir herwinning
Bynaam	The Big E
Verplasing	93 284 lang ton (volle vrag)
Lengte	342 m
Wydte	78,4 m (vliegdek) 40,5 m (waterlyn)
Diepgang	12 m
Spoed	33,6 kn (62,2 km/h)
Bemanning	5 828 (maksimum)

Tegniese besonderhede

In die 1970's is die Enterprise met F-14 Tomcats toegerus, wat vanaf 1974 tot 2001 op die skip gebruik is.

Die skip is 342 m lank en verplaas 93 284 ton water met 'n volle vrag. Die vliegdek is 78,4 m wyd en die skip het 'n diepgang van 12 m. Dit is toegerus met agt A2W kernkragreaktors en vier stelle Westinghouse stoomturbines. Dit lewer gesamentlik sowat 200 000 dryfasperdekrag en verseker 'n topspoed van 35 knope. Die skip dra 95 vliegtuie insluitende bomwerpers wat kernwapens kan dra. Dit is self slegs toegerus met kortafstand missiele vir selfverdediging. Dit het 'n bemanning van 5 500 gedra.

Omrede dit kernaangedrewe is, is daar geen behoefte aan 'n skoorsteen nie en is die beheersentrum (of brug) - die sogenaamde eiland - vierkantig gebou.

Vaartrekords

Taakmag 1, die eerste kernaangedrewe taakmag. Enterprise, Long Beach en Bainbridge in formasie in die Middellandse See, 18 Junie 1964. Enterprise spel Einstein se formule E=mc² uit op sy vliegdek.

Nadat die skip in diens gestel is gedurende November 1961 het dit ononderbroke gewerk tot November 1964 voor die kernbrandstof vervang is. In die tydperk het dit 210 000 seemyl (388 920 km) afgelê. Gedurende 1964 het hierdie en twee ander kernaangedrewe skepe, USS Long Beach en USS Bainbridge reg rondom die wêreld gevaar in 65 dae sonder om brandstof aan boord te neem of te stop.

Die skip is op 1 Desember 2012 uit diens gestel na 50 jaar ter see. Dit skip se naam sal herleef met die USS Enterprise (CVN-80), tans onder konstruksie.

Bron

• The Encyclopedia of Sea Warfare. Spring Books. 1975. ISBN 0-600-33111-3
• The US Warmachine. Salamander Books. 1979. ISBN O-86101-016-7