Union's End

Union's End (Uniesend) is die mees noordwestelike punt van Suid-Afrika. Dit is die punt waar die grense van Suid-Afrika, Namibië en Botswana bymekaarkom.

Die rigtingaanwyser by Uniesend: 773 km na Pretoria, 547 km na Windhoek en 360 km na Gaborone.

Waar die Nossobrivier van noordwes (vanaf Gobabis, Leonardville en Aranos) die 20°-oosterlengtelyn (die oosgrens van Namibië) sny, is die drielandepunt in die middel van die droë rivierbedding. Dit is geleë in die Kgalagadi Vredespark, daarom word die grens tussen Botswana en Suid-Afrika slegs deur bakens aangedui. Aan die Namibiese kant van die grens is boerderyplase, en sedert 1966 is daar 'n reguit heining op die grens gespan. Die naam van die punt verwys na die tydperk van die Unie van Suid-Afrika.

'n Piekniekplek, 'n inligtingsbord (onder 'n rietdakkie) en rigtingaanwysers is by 24°45′55.3″S 19°59′58.7″O te vinde. Dit lê ongeveer 555 km van Upington (6 ure se ry), 284 km van Tweerivieren en 20 km vanaf Grootkolk se wilderniskamp.

Bibliografie

• Green, Lawrence G.: To the river's end. Kaapstad: Timmins, 1948.
• notesfromafrica.wordpress.com
• tracks4africa.co.za