Upington is 'n belangrike dorp geleë op die oewer van die Oranjerivier in die Noord-Kaap, Suid-Afrika.

Upington
Dorp
Lugfoto van Upington se sentrale sakekern
Lugfoto van Upington se sentrale sakekern
Upington is in Noord-Kaap
Upington
Upington
 Upington se ligging in Noord-Kaap
Koördinate: 28°27′22″S 21°14′7″O / 28.45611°S 21.23528°O / -28.45611; 21.23528
LandVlag van Suid-Afrika Suid-Afrika
ProvinsieNoord-Kaap
DistrikZF Mgcawu
MunisipaliteitDawid Kruiper
Stigting1873[1]
Regering
Hoogte
835 m (2 740 ft)
Bevolking
 (2011)[3]
 • Totaal74 834
Rasverdeling (2011)
 • Wit mense10.1%
 • Indiërs/Asiërs0.6%
 • Bruin mense62.6%
 • Swart mense25.6%
 • Ander1.1%
Taal (2011)
 • Afrikaans 85.5%
 • Xhosa 6.1%
 • Tswana 3.2%
 • Engels 2.1%
 • Ander 3.1%
Poskode (strate)
8800
Skakelkode054
Webwerfwww.kharahais.gov.za
www.greenkalahari.co.za
Nelson Mandela-rylaan in Upington se sentrale sakekern (2016).

Geskiedenis wysig

Upington is in 1871 as 'n klein sendingstasie deur eerwaarde Christiaan Schröder gestig. Hy het die sendingstasie "Olijvenhoutsdrift" genoem. In 1896 is dit herdoop tot Upington ter ere van sir Thomas Upington, die eerste minister van die Kaapkolonie. Die dorp het munisipale status in 1898 verkry.

Upington vandag wysig

Vandag is Upington 'n groot dorp met 'n geskatte 101 504 inwoners in 2008, die naasgrootste nedersetting in die Noord-Kaap. Dit dien as 'n vername administratiewe sentrum van die provinsie Noord-Kaap. Upington lê in die Kalahariwoestyn, maar danksy die water van die Oranjerivier is dit 'n belangrike landbousentrum vir druiwe, koring en groente. Daarnaas is dit 'n gewilde toeristebestemming in die noordweste van Suid-Afrika.

Infrastruktuur wysig

Die Upington-lughawe (voorheen bekend as die Pierre van Ryneveld-lughawe) is by die dorp. Die N10 en N14 nasionale paaie kruis in Upington. Die spoorverbinding tussen Suid-Afrika en Namibië loop ook deur die dorp.

Klimaat wysig

Upington kry gewoonlik 94 mm reënval per jaar met die meeste neerslae in die herfs. As 'n reël val geen reën in Junie nie en 29 mm in Maart. Die gemiddelde middagtemperatuur is 19,8 °C in Junie en 33 °C in Januarie, gewoonlik die warmste maand van die jaar. Die koudste maand is Julie, wanneer die kwik snags tot gemiddeld 2,8 °C daal.[4] Vroeg in Januarie 2016 is 45 °C op Upington gemeet, die hoogste temperatuur sedert 1959.[5]

Fotogalery wysig

Sien ook wysig

Bronnelys wysig

  1. "greenkalahari.co.za". Geargiveer vanaf die oorspronklike op 14 Maart 2010. Besoek op 21 April 2016.
  2. Khara Hais webblad
  3. 3,0 3,1 3,2 Som van die hoofplekke Upington en Paballelo tydens Sensus 2011.
  4. (en) Upington se weer. URL besoek op 29 Januarie 2016.
  5. (en) EWN.co.za SA hits a record high n temperatures. URL besoek op 29 Januarie 2016.

Eksterne skakels wysig