Usambaraviooltjie

Die Usambaraviooltjie (Saintpaulia ionantha) is ’n spesie plante uit die familie Gesneriaceae. Die spesie kom van nature voor in die Usambaraberge in Tanzanië, vandaar die Afrikaanse naam. In Oos-Afrika kom nog sowat 20 spesies voor in dieselfde genus, wat in Engels African violets genoem word. Dit is ’n uitstekende huisplant, maar die S. ionantha wat natuurlik voorkom, word geklassifiseer as byna bedreig.

Usambaraviooltjie
Saintpaulia ionantha 'Pink Amiss'.
Bewaringstatus
Byna bedreig  (IUCN 3.1)
Wetenskaplike klassifikasie
Koninkryk:	Plantae
Divisie:	Tracheophyta
Klas:	Magnoliopsida
Orde:	Lamiales
Familie:	Gesneriaceae
Genus:	Saintpaulia
Spesie:	S. ionantha
Binomiale naam
Saintpaulia ionantha (H.Wendl.) Christenh., (2012)

Eienskappe

Die blomme van die wilde spesie is blou-pers. Daar is egter kultivars ontwikkel met wit, pienk, rooi, tweekleurige en dubbele blomme. Die blare is in ’n rosetvorm. Die Usambaraviooltjie kan voortgeplant word deur blaarsteggies: ’n blaar kan in stukkies van sowat 1 x 1 cm geknip word. Elke stuk moet ’n aar bevat. As die stukke in vogtige grond geplant word, sal hulle ná ’n ruk wortels ontwikkel.

Probleme

As die blare klein is en teenmekaar sit, moet die plant verplant word. Fosfaat kan by die water gevoeg word om blomgroei aan te moedig.

Eksterne skakels

• Wikimedia Commons het meer media in die kategorie Usambaraviooltjie.

• Wikispecies het meer inligting verwant aan Usambaraviooltjie
• Hierdie artikel is vertaal uit die Nederlandse Wikipedia