Valdis Dombrovskis
Valdis Dombrovskis (Riga, 5 Augustus 1971) is 'n Letse politikus, wat sy land sedert 2014 in die Europese Kommissie verteenwoordig het. Sedert die Ier Phil Hogan op 26 Augustus 2020 uitgetree het, het hy die belangrike handelsportefeulje gehou en is hy ook ondervoorsitter. Tussen 2009 en 2013 was hy Eerste Minister van Letland. Hy was voorheen Minister van Finansies en lid van die Europese Parlement.
| Valdis Dombrovskis | |
._Press_conference_(37086433682).jpg) Dombrovskis in 2017 | |
 Europese Kommissaris uit Letland 2014-2016: Euro en sosiale dialoog 2016-2019: Euro, Finansiële dienste, Finansiële Toesig en Sosiale dialoog 2019-: Finansiële dienste, Finansiële Toesig en Kapitaalmarkte-unie (2014-: tewens visepresident | |
| Ampsbekleër | |
| Termynaanvang 1 November 2014 | |
| President | Herman van Rompuy (2014) Donald Tusk (2014-2019) Charles Michel (2019-) (as President van die Europese Raad) |
|---|---|
| Premier | Jean-Claude Juncker (2014-2019) Ursula von der Leyen (2019-) (as president van die Europese Kommissie) |
| Voorafgegaan deur | Andris Piebalgs |
 Premier van Letland | |
| Ampstermyn 12 Maart 2009 – 22 Januarie 2014 | |
| Voorafgegaan deur | Ivars Godmanis |
| Opgevolg deur | Laimdota Straujuma |
| Minister van Finansies | |
| Ampstermyn 7 November 2002 – 9 Maart 2004 | |
| Voorafgegaan deur | Gundars Bērziņš |
| Opgevolg deur | Oskars Spurdziņš |
Persoonlike besonderhede
| |
| Gebore | 5 Augustus 1971 Riga |
| Nasionaliteit | Lets |
| Politieke party | Eenheid |
Onderwys en wetenskaplike loopbaan wysig
Dombrovskis het aan die Fakulteit Fisika en Wiskunde van die Universiteit van Letland gegradueer. In 1995 ontvang hy 'n BA in ekonomie vir ingenieurs van die Riga Universiteit van Tegnologie, en in 1996 'n meester in fisika van die Universiteit van Letland. Hy het by die Instituut vir Fisika van die Universiteit van Mainz gewerk as laboratoriumassistent (1995-1996), as 'n assistent by die Instituut van Solid State Physics van die Universiteit van Letland ( 1997) en as 'n navorsingsassistent in die Departement van Elektroniese Ontwikkeling by die Universiteit van Maryland (1998).
Politieke loopbaan wysig
Dombrovskis is sedert 2002 'n raadslid van die politieke party Nuwe Tyd. Van 2002 tot 2004 was hy 'n Parlementslid en Minister van Finansies. Hy was ook 'n waarnemer by die Raad van die Europese Unie. As lid van die Europese Parlement was hy lid van drie komitees: die Begrotingskomitee, die Afvaardiging na die Gesamentlike ACS-EU Vergadering en die Afvaardiging na die Euro-Latyns-Amerikaanse Parlementêre Vergadering (EuroLat).
Dombrovskis was ook een van ses waarnemers by die 2007-verkiesing in Togo.
Op 26 Februarie 2009 is Dombrovskis deur president Valdis Zatlers as eerste minister aangestel. Hy het Ivars Godmanis opgevolg, wat bedank het.
Op 27 November 2013 het Dombrovskis sy bedanking aangekondig. Hy het daarmee politieke verantwoordelikheid geneem vir die ineenstorting van 'n supermark in Riga, wat ses dae tevore meer as vyftig mense gedood het.[1]
By die verkiesings vir die Europese Parlement in 2014 is Dombrovskis tot lid verkies. Hy het dit tot 1 November 2014 gebly, toe hy as lid van die Juncker-kommissie aangestel is, waar hy een van die ondervoorsitters geword het en verantwoordelik is vir die Euro en Sosiale Dialoog. Sedert die bedanking van Jonathan Hill is hy ook verantwoordelik vir Finansiële Stabiliteit, Finansiële Dienste en Kapitaalmarkte-Unie.
In die 2019 verkiesings is Dombrovskis herkies as lid van die Europese Parlement, maar hy het besluit om nie sy setel in te neem nie en eerder sy termyn as Europese Kommissaris te voltooi.[2] Op 11 Junie 2019 het die Letse regering besluit om hom vir 'n tweede termyn te benoem as kommissaris in die Kommissie Von der Leyen.[3]
Verwysings wysig
- ↑ (en) Latvian Prime Minister Dombrovskis steps down over supermarket collapse tragedy, The Baltic Times 27 november 2013, laatst geraadpleegd op 20 juni 2019.
- ↑ (en) B. Smith-Meyer Dombrovskis gives up MEP seat to remain commissioner, Politico 20 juni 2019, laatst geraadpleegd op 20 juni 2019.
- ↑ (en) B. Smith-Meyer, Latvia to send Dombrovskis back to Commission, Politico 11 juni 2019, laatst geraadpleegd op 20 juni 2019.
| Wikimedia Commons bevat media in verband met Valdis Dombrovskis. |