Valentina Lisitsa

Valentina Lisitsa (Oekraïens: Валентина Євгенівна Лисиця, Russies: Валентина Евгеньевна Лисица, Walentina Ewgenjewna Lisitsa; gebore 25 Maart 1973) is 'n Oekraïens-Amerikaanse[1] pianis. Sy het in Noord-Carolina gewoon voordat sy na Kanada en toe na Frankryk verhuis het.[2][3]

Valentina Lisitsa
Agtergrondinligting
Gebore25 Maart 1973 (1973-03-25) (51 jaar oud)
Kiëf, Sowjetunie
Genresklassiek
Beroep(e)Klassieke pianis
InstrumenteKlavier
Jare aktief1977-tans
Webwerfvalentinalisitsa.com

Lisitsa is een van die pianiste wat die meeste op YouTube besigtig word – veral wat betref haar interpretasies van die virtuoos-werke van komponiste uit die Romantiese Era, insluitende Franz Liszt, Frédéric Chopin en Sergei Rachmaninoff.[4][5] Sy het haar loopbaan op onafhanklike wyse begin op sosiale media sonder 'n toerpromotor of platemaatskappy.[4][5]

Lewe en loopbaan wysig

Lisitsa is in 1973 in Kijif, Oekraïne, gebore. Haar ma, ook Walentina, is 'n naaldwerkster en haar pa, Ewgeni, was 'n ingenieur.[4] Haar ouer broer, Eugene, is in 2009 oorlede.[6][4]

Sy het op driejarige ouderdom die klavier begin bespeel, en het reeds op die ouderdom van vier jaar haar eerste solo-uitvoering gelewer.[7] Sy is van Russies en Poolse afkoms.[8]

Ten spyte van haar vroeë aanleg vir musiek het sy op 'n tydstip die ambisie gehad om 'n professionele skaakspeler te word.[9] Lisitsa het die Lisenko-musiekskool bygewoon, en later ook die Kijifse Konservatorium,[10] waar sy en haar toekomstige huweliksmaat, Alexei Kuznetsoff, onder dr. Ljoedmilla Tswjerko studeer het.[11] Toe Lisitsa Kuznetsoff ontmoet, het sy musiek ernstiger begin opneem.[12] In 1991 het hulle die eerste prys gewen op die Murray Dranoff-klavierkompetisie in Miami, Florida.[10][13] Dieselfde jaar het hulle na die Verenigde State verhuis ter wille van hul loopbaan as konsertpianiste.[4] In 1992 het die paartjie getrou.[4] Hul New Yorkse buiging het in 1995 op die Mostly Mozart Festival by die Lincoln-sentrum plaasgevind.[11]

Lisitsa het in 2007 haar eerste video op YouTube geplaas. Haar stel Chopin-etudes het die nommereenposisie op Amazon se lys van klassieke musiekvideos gehaal, en die gewildste aanlyn versameling Chopin-etudes op YouTube geword.[4][14]

Ten einde haar loopbaan te bevorder het Lisitsa en haar man in 2010 hulle spaargeld bestee aan 'n opname van Racmaninoff se concertos saam met die Londense Simfonieorkes.[4] In die lente van 2012, net voor haar debuut by die Royal Albert Hall, het Lisitsa 'n kontrak met Decca Records aangegaan, wat later haar CD van Rachmaninoff se werke uitgereik het.[4] Teen die middel van 2012 was daar byna 50 miljoen besigtigings van haar video's op YouTube.[5]

Lisitsa het op verskeie plekke dwarsoor die wêreld opgetree, insluitende Carnegie Hall, die David Geffen-saal, die Benaroya-saal, die Musikverein en die Royal Albert Hall. Sy is bekend vir haar aanlyn uitvoerings en oefensessies op stroommedia. Sy het ook tydens verskeie uitvoerings saamgewerk met die violis Hilary Hahn.[10]

Diskografie wysig

Lisitsa het reeds ses CD's vir Audiofon Records opgeneem, insluitende drie solo CD's en twee CD's bestaande uit duette saam met haar man, Alexei Kuznetsoff; asook 'n Goue CD vir die CiscoMusic plate-etiket saam met die tjellis DeRosa; 'n duetuitvoering op die VAI plate-etiket saam met die violis Ida Haendel; en DVD's van Frédéric Chopin se 24 Études en Schubert-Liszt se Schwanengesang.[15]

Haar opname van die vier sonates vir viool en klavier deur die komponis Charles Ives saam met Hilary Hahn is in Oktober 2011 op die Deutsche Grammophon plate-etiket uitgereik. Haar CD Valentina Lisitsa Live at the Royal Albert Hall (gebaseer op haar debuutuitvoering by dié venue op 19 Junie 2012) is op 2 Julie 2012 uitgereik.

Verwysings wysig

  1. Everett-Green, Robert (7 Desember 2012). "Valentina Lisitsa: Playing the odds – by way of Rachmaninoff". The Globe and Mail (in Engels). Toronto. Geargiveer vanaf die oorspronklike op 3 Maart 2016. Besoek op 8 April 2015.
  2. "Valentina Lisitsa and Alexei Kuznetsoff" (in Engels). Southern Arts Federation. Geargiveer vanaf die oorspronklike op 26 Julie 2011. Besoek op 12 Julie 2009.
  3. North Carolina Symphony. "The North Carolina Symphony Ends the Summerfest Season with Spectacular Russian Masterpieces". Persberig. Archived from the original on 4 Junie 2016. https://web.archive.org/web/20160604043052/http://www.ncsymphony.org/news/index.cfm?nid=307. Besoek op 12 Julie 2009. 
  4. 4,0 4,1 4,2 4,3 4,4 4,5 4,6 4,7 4,8 Wilson, Sophie (19 Augustus 2012). "Pianist Valentina Lisitsa: interview with the YouTube star". The Telegraph (in Engels). Londen. Geargiveer vanaf die oorspronklike op 10 Mei 2019. Besoek op 7 Junie 2019.
  5. 5,0 5,1 5,2 Die pianis Valentina Lisitsa tydens haar buiging by die Royal Albert Hall, BBC News (19 Junie 2012)
  6. Ferenc, Leslie (10 April 2015). "For Valentina Lisitsa, not a note of regret after TSO snub". The Star (in Engels). Toronto. Geargiveer vanaf die oorspronklike op 18 Mei 2017. Besoek op 7 Junie 2019.
  7. "Calendar of Events and Exhibitions" (in Engels). National Museum of Women in the Arts. Geargiveer vanaf die oorspronklike op 22 Februarie 2012. Besoek op 12 Julie 2009.
  8. Ukrainian-Born Pianist Replaced Over Pro-Rebel Comments , Radio Liberty (7 April 2015)
  9. "Valentina Lisitsa".
  10. 10,0 10,1 10,2 "Valentina Lisitsa, piano" (in Engels). Fresno Philharmonic. Geargiveer vanaf die oorspronklike op 25 Februarie 2012. Besoek op 12 Julie 2009.
  11. 11,0 11,1 "N.C. Arts Council – Organizations Page" (in Engels). North Carolina Arts Council. Geargiveer vanaf die oorspronklike op 27 September 2011. Besoek op 16 Julie 2009.
  12. Oregon Symphony. "Valentina Lisitsa performs with the Oregon Symphony". Persberig. http://www.orsymphony.org/bios/guestartists/lisitsa.aspx. Besoek op 12 Julie 2009. 
  13. "The Dranoff International Two Piano Foundation – 1991 Winner Biographies". The Dranoff International Two Piano Foundation. Geargiveer vanaf die oorspronklike op 2 April 2012. Besoek op 16 Julie 2009.
  14. "Valentina Lisitsa: Chasing Pianos And YouTube Fans". All Things Considered (in Engels). 25 April 2014. Geargiveer vanaf die oorspronklike op 9 Julie 2018. {{cite news}}: Onbekende parameter |network= geïgnoreer (hulp)
  15. "About Valentina Lisitsa". Audiofon-records.com. Geargiveer vanaf die oorspronklike op 29 September 2017. Besoek op 15 Julie 2012.

Eksterne skakels wysig