Mohammed Valli Moosa

(Aangestuur vanaf Valli Moosa)

Mohammed Valli Moosa (gebore 8 Februarie 1957 in Johannesburg) is 'n afgetrede Suid-Afrikaanse politikus.

Mohammed Valli Moosa
Mohammed Valli Moosa

Minister van Omgewingsake en Toerisme
Ampstermyn
17 Junie 1999 – 29 April 2004
President Thabo Mbeki
Opgevolg deur Marthinus van Schalkwyk

Minister van Provinsiale Sake en Konstitusionele Ontwikkeling
Ampstermyn
1 Julie 1996 – 17 Junie 1999
President Nelson Mandela
Voorafgegaan deur Roelf Meyer
Opgevolg deur Sydney Mufamadi

Adjunkminister van Provinsiale Sake en Konstitusionele Ontwikkeling
Ampstermyn
Mei 1994 – 30 Junie 1996
President Nelson Mandela

Persoonlike besonderhede
Gebore Mohammed Valli Moosa
8 Februarie 1957 (1957-02-08) (67 jaar oud)
Politieke party African National Congress

Lewensloop wysig

Moosa was 'n leerling by die Park Primary School en Lenasia State Indian High School, waarna hy in 1978 'n BSc-graad verwerf het aan die Universiteit van Durban-Westville (later saamgesmelt as die Universiteit van KwaZulu-Natal).[1][2]

Op die jeugdige ouderdom van 14, het hy sy eerste kontak met die onderdrukking van die apartheidstelsel beleef, toe hy saam met ander leerders geweier het om Die Stem van Suid-Afrika te sing.

In 1999 is hy as die Minister van Omgewingsake en Toerisme van Suid-Afrika aangestel. In hierdie pos het hy hom beywer vir die bewusmaking van die probleem van huishoudelike rommel, deur grappenderwys plastieksakkies die 'nasionale blom' te noem. Hy het hom beywer deur 'n minimum wettige dikte van 30 mikrometer vir inkopiesakke in te stel om hul koste, herbruikbaarheid en herwinbaarheid te verhoog. Hy is in November 2004 verkies tot president van IUCN, die Wêreldbewaringsunie, tydens die 3de Wêreldbewaringskongres in Bangkok.

Hy was ook die nie-uitvoerende voorsitter van Eskom en Sun International. In April 2013 word hy aangestel as die onafhanklike nie-uitvoerende voorsitter van die Anglo American Platinum-maatskappy.

Verwysings wysig

Eksterne skakels wysig