Vanadium(II)oksied

Vanadium(II)oksied of vanadiummonoksied is 'n verbinding van vanadium in sy 2+ oksidasietoestand en suurstof met die chemiese formule VO

Eienskappe

Algemeen
Naam	Vanadium(II)oksied
Struktuurformule van
Chemiese formule	VO
Molêre massa	66,941 [g/mol]
CAS-nommer	12035-98-2
Voorkoms	groen vastestof
Fasegedrag
Selkonstantes	a= 437pm
Ruimtegroep	Fm3m
Nommer	225
Strukturbericht	B1
Smeltpunt	1790 °C
Kookpunt
Digtheid	5,758 [g/cm3]
Oplosbaarheid
ΔfusHɵ	941 [J/g]
Suur-basis eienskappe
pKa
Veiligheid
Flitspunt
Tensy anders vermeld is alle data vir standaardtemperatuur en -druk toestande.
Portaal Chemie

Kristalstruktuur

Vanadiummonoksied kristalliseer in die kubiese haliet-struktuur (B1 in die strukturbericht-klassifikasie) en kan mengkristalle met vanadiumnitried en -karbied vorm. Vanadiummonoksied is egter 'n sterk niestoigiometriese verbinding en kan as VO_y geskryf word, met y wat wissel van ongeveer 0,80 tot 1,25. Die struktuur daarvan is wanordelik en bevat nie net vakatures van vanadium of suurstof in die oktaëdriese holtes van die kubiese halietstruktuur (B1) nie, maar kan ook vanadiumatome in die andersins onbesette tetraëdriese posisies bevat. Dit herinner aan die bismuttrifluoriedstruktuur (D0₃). Hierdie struktuur het dieselfde ruimtegroep Fm3m as die B1-struktuur, maar in BiF₃ word sy tetraëdriese 8c-posisies deur fluoriedione beset. In vanadiummonoksied is hul besetting baie minder as in BiF₃. KMR toon dat die vanadiumione in die tetraëders waarskynlik V³⁺-ione is.

Uitgloeiing van monsters met y=1,29 by 970K lei tot 'n geordende fase (V₅₂O₆₄) met 'n tetragonale struktuur en ruimtegroep I4₁/amd (#141) Die oorgang is van die eerste orde.