Veka
Veka, die Volkshemde- en Klerefabriek Bpk., is gestig om die Afrikaner by die sakewêreld te betrek.
Na die Simboliese Ossewatrek van 1938 was daar ‘n opwelling van Afrikaner-nasionalisme. Onder leiding van dr. G.E.W. Ross is Veka in 1939 gestig om die Afrikaner ‘n groter rol in die klerebedryf te gee.[1] Aanvanklik het dit baie gesukkel om ‘n vastrapplek in die Engelsgedomineerde bedryf te kry. Na die skuif na Fordsburg in 1943 en die oorname van ander ondernemings en sekere diversifikasie van belange is die doel bereik. Lisensies is verkry om materiale in te voer. In 1958 was Federale Volksbeleggings die grootste aandeelhouer.
Veka het veral mans-, kinder- en skoolklere vervaardig onder die handelsmerke Veka, Bertish, Pagel, Kingfold, El Rancho, Prefect en Ossewa.
Vroeë leiersfigure in die firma was Sarel van der Walt en Albert Wessels. Van der Walt het lank in die direksie en as voorsitter gedien. In 1967 is Wessels as besturende direkteur aangestel en is 1980 was Jannie Mouton by Veka betrokke.
In 1996 het die Jordaan Family Trust Veka gekoop en die naam verander na Allwear.[2]
Bibliografie
wysig- dos Santos: J.C.: The development of the Witwatersrand clothing industry: a historical perspective on the role of entrepreneurs in the industry, 1925-1955. Universiteit van Johannesburg: M.A.-verhandeling, 2008. (op internet)
- Verhoef, G.: Entrepreuner, social capital and the survival of Afrikaner business on the Witwatersrand, 1930-2017. The case of Burgers Brothers Clothing enterprise. dspace.nwu.ac.za